2 Malikwa 21:11 - NABUWWA KEE MALIKWA

¹¹ «Yuudâ-malikih yan Manasse gacca 'ta taamay Kanqaan mari abeemik kaxxam lafittahiyya abeeh; Yallih-aftok yaqbude duyyet, Yuudâ-mara kaadu Yalla-maleela edde gexxa gitat bee.

2 Malikwa 21:11 ပူးပေါင်းရင်းမြစ်များ

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 15:30

Toh Yarobqam kee kay buxah marat akah tekkem, isih dambit asakaay, Israayil ummat kaadu dambit asisak, YALLAY Israayil doore Dagelta kinnihiyyah naqabu isil oobiseemih sabbatah kaat tekke.

1 Malikwa 16:19

Too rabah akah rabem, isih abe dambi. Yarobqamay Israayil ummat dambit asisak sugehiyyah gita kataatak sugeeh, YALLIH garil dambi lem baahe.

1 Malikwa 21:26

YALLI Israayil-marih-foocal baaxok keenih yeyyeeqeh yen Amoorah marak kaxxih, Acab, Yallih aftok xeet kee cooxuk sahda bicisse duyyeh qibaadat gaceeh; toh kaxxam qaybik taniimik ten.

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 21:10

YALLI, nabuwway kay taamat tanih kabuuk keenik iyyemii,

2 Malikwa 21:16

Manasse, Yuudah-ummatta Yallih-gita cabba hayteh YALLAL dambi lem baahaanamat asise. Too dambik kalah kaadu ossotinah, Yarusalaam-gitittel qabal weeqi innah caxitam fan mango masaakiinay tu baahe wayte qide.

2 Malikwa 21:2

Manasse, Israayil-mari yamaateenik naharal woo baaxol suge maray YALLI yeyyeeqehiyya edde asak sugen umâ-yabulih-tan-taama kataateeh, YALLAL dambi lem baahe.

2 Malikwa 21:20

Amon isi abbah raatat gexak, YALLAL dambi lem baahe.

2 Malikwa 21:21

Abba abak sugem abeeh; kay abba aqbuduk suge xeet kee cooxuy gabak orra heenih bicseenihiyya kaak kaxxih yuqbude.

2 Malikwa 21:9

Takkay immay Manasse, Yuudâ-mara, duma woo baaxol suge maray YALLI ken taagah woo baaxok yeyyeeqehiyya abak suge dambik lafita dambit ken asise.

2 Malikwa 23:24

Kaxxa seekih yen Cilkiyya YALLIH Qibaadah-Qaril gee kitaabal yan yab abinal akah asa'nnah, Yoosiyaahu Yuudâ-baaxo kee Yarusalaam addal sugga 'te ginnilitteey kalluwalleey faal-abeenit kee, buxah addat aqbuduk sugen duyye kee, wohuk kalah tan duyyey yaqbudeenihiyya kee, umâ-yabuli enni intaamak tu macabinnay inkih kale.

1 Aydaad 1:14

Kalah kaadu Kanqaanak raddem, Yabuusa deqsita maraay, Amoora deqsita maraay, Girgaasa deqsita maraay,

Ermiyaas 15:4

Ciskiyyaahû-baxi Manasse, Yuudal malikih yen saaku abe umaanek gexxaamah, baadal enna 'ya mari anu siinil baahem yaabbu waa waqdi, kaxxa wariggah wariggitelon» 'yaanam yok iyye.

Yacedkel 16:3

Teetik intaamah, ‹YALLAY Mulki lehiyya kok iyyeemih, « ‹Elle toobokem, Kanqaan rasuuy; abba kok Amoorâ-numuuy; ina kok Ciita deqsita marih barra.

Yacedkel 16:45

Nummah, atu isi inah baxá tekke. Ku ina isi xaylo kee baqala niqibuk ten. Ku maqanxiixiy kaadu isi baqolti kee xaylo niqbahiyyah bis lito. Ku ina Ciitâ barrak teneeh; ku abba Amoorâ numuk ten.

Yacedkel 18:12

masaakiina yudlumeeh, sahda buubeeh, abuuduh tu kaak bee num damaanatah kaal cabem gacse weeh, gabat bicsen duyyey Yalla 'yeenih yaqbudeenihiyyah qibaadah heen arooca gexeeh, duyye yuqbudeeh,

Yacedkel 5:6

Takkay immay Yarusalaam mari yi amri cineh, raqqa 'te baaxooxah marak umaaneh lafitaanam isinnik yuybulleenih. Yarusalaam yi amri cinteeh anu aba axcem abe cinteh. Tet dariifal enna 'ta baaxooxah marak yabti cinah lafittam tet kinnim isik tuybulleeh.