2 Malikwa 20:8 - NABUWWA KEE MALIKWA

⁸ Sarrak Malik-Ciskiyyaahu nabi-Yasaqyak iyyemii, «YALLI sidiica ayrok lakal yoo urusem elle aaxagu waah, sidooca ayrok lakal kaadu YALLIH Qibaadah-Qari gexu duudeyyom innik elle aaxagu waam mannaay? Aham elle aaxige astah maca tan?» kaak iyye.

2 Malikwa 20:8 ပူးပေါင်းရင်းမြစ်များ

2 Malikwa 19:29

Qagisak Amóx-Yasaqya Ciskiyyaahuk iyye: «Toh elle taaxagu waytamaa: a sanat abqure wayten daro akmetton. Ciggiila sanat kaadu woo daroh aracal isih tooboke daro akmetton. Takkay immay sidochaytô-sanatal isinnih tubquren buqreh daro akmetton. Qinab coox aysubukettoonuuh xaylo akak akmetton.

2 Malikwa 20:5

«Malik Ciskiyyaahuy yi-ummattah amoytah yani fan uduuray kaak intaamah, ‹Yoo YALLAY ku kaxxa abbah yan Dawuduk Dagelta kinnihiyya atu abte dooqa kok oobbeeh, namma intik caxxe ximo kok uble. Koo uruseyyooh, sidiica ayroh addat woo yoo elle yaqbuden qari fan gexetto.

2 Malikwa 20:7

Yasaqya toh kaah warsek lakal, Malik Ciskiyyaahut dacayrih yan marak iyyemii, «Ama duddubay lehiyya kaak qaffoota'gidih, sublâ-xaylo utukka haay aruqta waqdi edde duuga; tonnal qaffootelek» iyye.

2 Malikwa 20:9

Yasaqya kaal gacsemii, «YALLI isih iyyem duuduselem elle taaxigu wayta asta koh aceelek; atu iraawo tabna maaqatta foocah gexxam kee tabna maaqatta wadir gexxaamak maca koh tayse?» kaak iyye.

Yasaqya 38:21

Ciskiyyaahu biyaakitak yen saaku, nabi Yasaqya kaadu kaak iyyemii, «Ama duddubay litohiyya kok qaffoota'gidih, sublâ-xaylo tittak bagul hayya haay edde dug; tonnal qaffootettok» kaak iyye.

Yasaqya 38:22

Too waqdi Ciskiyyaahu, «Qaffotta exceh YALLIH Qari gexu duudem, innik elle aaxagu waam mannaay? Aham elle aaxige astah maca tan?» kaak iyyeh yen.

Yasaqya 7:11

Too farmol YALLI iyyeemih, «Qaran takkuu, akeeral takku, tuk teenah asta koo aybulleem keh yok esser 'yaanam YALLAY ku Dageltah yanihiyya kok iyyah yani kaak inxic» iyye.

Yasaqya 7:14

Tonna'mmay YALLI asta isih sin aybulleele. Baxuwwah tan barra aadiqeleeh, lab-baxa xaleleeh, too awki migaaqah Ammaanuwel deqsitele.

Hosiqa 6:2

Namma ayro kee sidiica ayrot, mano net gacseleeh; kay xaqul anenno.

Makaabon 6:17

Gidqoon too waqdi iyyeemih, «Atu yoo faxxe koo tekkek, Yalla kinnitoomih astah tuk teena yoo uybulluyaay,