2 Malikwa 20:5 - NABUWWA KEE MALIKWA

⁵ «Malik Ciskiyyaahuy yi-ummattah amoytah yani fan uduuray kaak intaamah, ‹Yoo YALLAY ku kaxxa abbah yan Dawuduk Dagelta kinnihiyya atu abte dooqa kok oobbeeh, namma intik caxxe ximo kok uble. Koo uruseyyooh, sidiica ayroh addat woo yoo elle yaqbuden qari fan gexetto.

2 Malikwa 20:5 ပူးပေါင်းရင်းမြစ်များ

2 Samuwel 5:2

duma Saawul suge saaku carbi yakke way, ni marih foocat sugtem kook ten. YALLI kaadu isi mara miraacisah dacrisa abba koo abeleemih qahdi koh culeh yen» kaak iyyen.

1 Malikwa 9:3

YALLI kaak iyyeemih, «Abte dooqa kok oobbeh. Atu xisse qari taahirroyseeh; kulli way yoo elle yaqbudoonu waan qari kinnuk, ahaysa yi inti kee yi afqado kulli waqdi kaa dacrisele.

2 Malikwa 19:20

Tohuk lakal Amóx-Yasaqya, Malik-Ciskiyyaahuh farmo ruubeeh, kaak iyyemii, «YALLAY Israayil doore Dagelta kinnihiyya kok iyyamaa: ‹Sanceerib giddinaamak abte dooqa kok raabiteeh,

2 Malikwa 20:4

Nabi Yasaqya kaak gexeh, Malik-Ciskiyyaahuh-buxah gasoh-afa gufe'kal yan waqdi, YALLIH qangara kaal obteeh,

2 Malikwa 22:19

toobitteeh, yoh isi nabsi rammisse. Yarusalaam kee Yarusalaam maral baahu waam toobbe waqdi, nadaamah sara isik qanxisseeh weqteh. Too waqdi abteh tan dooqa kok oggoleh. Yarusalaam tiyah tu gactek, Yarusalaam ableh-uma ceelot gacele. Sahda titta abaarta way, Yarusalaamat tekkem siinit takkay, akak inxicca 'ta umaane teetil baaheyyo.

2 Aydaad 13:12

Qeebil Yalli isih nee miraaciseleeh; kay seeka qeebi sin lih abnu wayna waqdi, taaguru wayta *baanta taagure'gidih bical tan. Tanna'mmay Israayil ummatey, siinik axceemihii, YALLAY isin akak radden sin kaxxa abbobti doorehiyya lih qeebih abtaanam maduddaanak mataqabina» 'yaanam keenik iyye.

2 Aydaad 34:3

Malik yekkeemih bacarhaytô sanat gufe saakuy qunxa furraynuh yanihiyya isi kaxxa abba Dawuduk kaxxih, Yallih qibaadat gace. Affara sanatak lakal, diini-maleela qibaada elle abak sugte aroocay fayyat raqtahiyya baysam qimbise. Aseera deqsittaamay yaqbudeenihiyyah astah heenih sugen gurumuuda kee, tohuk kalah tan duyyeeyay Yallih aftok aqbuduk suggu 'yeenihiyya baysam qimbise.

Yasaqya 19:22

YALLI Masri mara digaalele'mmay, sarrak ken aymaaqele. Oson kaal aduureloonuuh; usuk kaadu oson aban dooqa keenik oggoleleeh ken qaffoysele.

Yasaqya 38:22

Too waqdi Ciskiyyaahu, «Qaffotta exceh YALLIH Qari gexu duudem, innik elle aaxagu waam mannaay? Aham elle aaxige astah maca tan?» kaak iyyeh yen.

Yasaqya 38:5

YALLI kaak iyyemii, «Ciskiyyaahu fanah gexay kaak intamaa, YALLAY ku kaxxa abbah yan Dawuduk Dagelta kinnihiyya, ‹Atu abte dooqa kok oobbeeh, namma intik caxxe ximo kok uble. Tohuk gexxaamah taban kee koona sanat qumrik koh osisah an. Ahak sarra taban kee koona sanat sugetto.

Yasaqya 55:3

Yi ummatey anu axcem ankacisaay yi fan ama; rooci siinik waara'gidih ankacisa. Waara xagana sin lih heeyyooh, Dawuduh qahdi akah cule kacanuy digga lehiyya siinit heeyyo.

1 Samuwel 10:1

Tohuk lakal Samuwel caxâ xaylok bicsen saliid* (zeyti) edde yan karaarat bahha heeh Saawuluk amol caxe. Sarrak fugga kaa heeh kaak iyyeemih, «YALLI, Israayiliy isi mara abehiyyah amoyta takke'gidih, koo yuskute. Atu kay mara naqboytiitik dacrisettooh, ken catetto. YALLI Israayil amoyta takke'gidih koo doorem elle taaxagu waytam macaay intek,

1 Samuwel 9:16

«Beera ta uddur Benyam kedoh yaabuke num kol ruubeyyok, Israayil amoyta yakke'gidih kaa uskut. Usuk Filistiin marih gabak Israayil catele. Yi mari abe biyak kee catô-goranah aben weeqa keenik oobbeh an» 'yaanam iyyeh yen.