2 Malikwa 20:3 - NABUWWA KEE MALIKWA

³ Dooqah iyyemii, «YALLAW, inni bagu kee afqadook ku qibaada kee ku taamat sugem atu yok taaxigeh. Ku garil meqem abittoh yok orobtaamat asak suge» 'yaanam dooqah inxicca 'yeeh, namma intik kaxxa ximo kaak akah caxitte weeqah weeqe.

2 Malikwa 20:3 ပူးပေါင်းရင်းမြစ်များ

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

1 Malikwa 15:14

Aasa kaak duma sugga 'te qibaada elle aban aroocay fayyat raqtahiyya inkih mabaysinna'mmay, YALLAL le imaan kaak digga luk yeneeh, rabba 'yam fanah imaan kaak digga luk suge.

1 Malikwa 2:4

YALLI yok iyyeemih, ‹Ku ramad anu aba axcem baguuk agaagul sinnim abeenik, Israayil amoytit ken abeyyoomuh qahdi koh cula› 'yaanam yok iyyeh yan. Tonna kinnuk atu kay amri oggoltek, YALLI too qahdi koh duudusele» kaak iyye.

1 Malikwa 3:6

Suleeman YALLAK iyyemii, «Yi-abba-Dawuduy ku naqasuh yenehiyyah kaxxa kacanu luk sugteeh; usuk kaadu baguuk kol yaamineeh, cakki-kee qadaalat-le numuk ten. Atu kaah abak sugte maqaane kaak mayseedinnitooy, a saaku kay baxa kay qarkaytol hayte.

1 Malikwa 8:23

Dooqah iyyeemih, «YALLAW, Israayil ummatta doore Dageltaw, kok sa qaran kee baaxol Yalli mayana. Baguuk koo taqbude ku naqoosah litoh tan kacni akak amurruqe waa Dagelta kinnitooh; keenih culte xagana duudusa Dagelta kinnito.

1 Malikwa 8:61

Isin, kay maraw, ta saaku akah abten innah, baguuk YALLAY ni Dagelta kinnihiyyal yaamineeh, kay amri kee usuk nek faxam oggola mara tika» 'yaanam iyye.

1 Malikwa 9:4

Ku abba akah abak suge innah, agaagul sinnuk baguuk yoo tuqbude koo tekkeeh, kok aba axcem abteeh yi amri duuduse koo tekkek,

2 Malikwa 20:2

Toh yoobbe waqdi, Ciskiyyaahu foocah gidaarat ufkunna 'yeh dooqa abe.

2 Malikwa 20:4

Nabi Yasaqya kaak gexeh, Malik-Ciskiyyaahuh-buxah gasoh-afa gufe'kal yan waqdi, YALLIH qangara kaal obteeh,

2 Aydaad 16:9

YALLI afqadook kaa yaamine marah qande yecee'gidih, inkih yan baadat cubbi le. Tonna'mmay ku tiyah tu gactek, duqur-taamat asseeh; tonna-leemiik ta saakuuk wadir carbi ku amok makata» kaak iyye.

Nacmiya 13:14

«Yallaw, anu abam yoh ubulaay; koo elle yaqbuden qari kee tet addal koo yaqbudoonuh baguuk abah an taama foyya maabin» exce.

Nacmiya 13:22

Tohuk lakal Leewih yooboke marak, «Taahirrowwa 'xicay, sabti ayro taahirik tan ayro kinnuk, sahda qiidih akah assa innah, magaalah afat dacayrih gaca» keenik exce. Tohuk gaba kale waqdi, «Yallaw, tahal yoo kassit. Ku kacni kaxxa kacanu. Tonna kinnuk, yoo wad» exce.

Nacmiya 13:31

Tonnal kaadu, sadgatah qiden saqih cado elle alaysan boco, yaaxigen waktil baahaanam bicsiteeh; ummat kaadu naharat luuqusen daro kee naharat alaye caxâ-miru sadgatah baahaanam bicsite. Sarrak «Yallaw, ta abba haam inkih yoh ubulaay, tahimih galto yoh ixig» exce.

Nacmiya 5:19

«Yi Dageltaw, a marah baguuk abam foyya yok maabin» axcuk Yalla kallace.

Yasaqya 38:14

Anay boola yok baaheh yen. Robti-kimbir celamceelak, wirriq axcuk, xongolak en. Camaamah innah iihise. Qaran wagittot namma-inti taqabteeh boola yok bahte. ‹Edde anim, ankikkiqiyya; Yallaw, yoo eyyeq; yoo wad, YALLAW› 'yaanam exce kaa kallace.

Yasaqya 63:11

Too waqdi dumî-daban kassa heeh; Muusa kee isi mara kassa hee. YALLAY isi ummatta kee ken loyna badak cateh yenehiyya mankel yan? YALLAY isi Roocaaniyya ken gudel heeh yenehiyya mankel yan?

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Qaamus 5:4

«YALLI Israayil ummatak iyyamaa, ‹Yol uduura. Yol tuduureenik, mano geetton.