2 Malikwa 20:19 - NABUWWA KEE MALIKWA

¹⁹ Too waqdi Ciskiyyaahu iyyemii, «Ta way atu edde yabta YALLIH yab meqe yaaba» 'yaanam iyye. Toh akah iyyem, «Anu innih anim fanah baaxo amaan akkele» 'yaanam niyal hayya heeh iyye.

2 Malikwa 20:19 ပူးပေါင်းရင်းမြစ်များ

1 Malikwa 11:12

Takkay immay ku abbah taagah addunyal tanim fanah aham kok maaba'mmay, ku baxih dabaanal abeyyo.

1 Malikwa 2:38

Simqi, «Malikow, meqeh, atu axcinnaanim abeyyo» iyye. Sarrak Yarusalaamal mango wakti suge.

2 Malikwa 20:20

Wohuk kalah taniimiy Ciskiyyaahu abba heehiyyaay kay agiirinnaay, lee raaqisa dora elle bicisseh, magaalah addal lee culsa'gidih lee edde obta gita boolô-bagul elle dage inna, Yuudâ-Malikwah-Aydaada deqsita kitaabih addal tan.

2 Malikwa 22:20

Takkay immay, Yarusalaam magaalat abu waah an digaala, atu addunyal tanim fanah, maaba. Atu tanim fanah ku baaxo amaanah xiineleeh; amaanah koo xiiniseyyo› 'yaanam YALLI kaak iyyem kaah warisa» 'yaanam farmoh keenil gacisse. Too mari too farmo luk malik fan yuduure.

Aster 9:30

Too warkatay yuktubeenil, Malik-Ekserkas xintoh gubat yan rasul enna 'ya Yahuuduh yooboke marah yuktuben warkata 'yaanam bagul akak ten. Yahuud marah amaan kee wagari gacay 'yaanam addal akak ten.

Ermiyaas 33:6

Takkay immay a baati raagtu wayta baati hinnaay, ahak sarra Yarusalaamak rooci wadeyyooh, luk sugte qaafiyatah tet gacseyyo. Kaxxa maqaane kee wagarih tet xiiniseyyo.

Zakariyya 8:19

«Sanatak fereyhaytooy, konoyhaytooy, malcinhayto kee tabanhaytoh alsat abtan soom, Yuudâ marah farcat kee rufto le ayroora akkeleeh; tassa axcuk qiid abetton. Tonna'mmay isin numma kee wagari kicna mara takkeenimi» iyye.

1 Samuwel 3:18

Samuwel Yalli kaak inxicca 'yeemik tu kaak maaqurinnay inkih kaah warse. Too waqdi Qeli iyyeemih, «Usuk YALLAK, kay intit taysem abay» iyye.