2 Malikwa 20:15 - NABUWWA KEE MALIKWA

¹⁵ Nabi Yasaqya, «Hay, ku qarih addal abaluk sugeenim macaa?» kaak iyye. Too waqdi Ciskiyyaahu, «Yi qarih addal tanim inkih yubleeniih; duyye edde daanah haan kadnoonih addal taniimik ken aybulle wayya heem mayyu» kaak iyye.

2 Malikwa 20:15 ပူးပေါင်းရင်းမြစ်များ

2 Malikwa 20:13

Ciskiyyaahu farmo elle ruuben mara arcibiseeh; sarrak duyye edde daanah haan makdanwa ken yuybulle. Too makdanwah addal lakqooy dahabaay caxâ-sifa kee qatrik suggu 'tem inkih ken yuybulle. Kalah kaadu, qaskar silaacih agantah tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

2 Malikwa 20:14

Sarrak nabi-Yasaqya Malik-Ciskiyyaahu fan yemeeteeh kaak iyyemii, «Too mari akak yemeetem ankeey? Kok iyyeenim macaay?» kaak iyye. Ciskiyyaahu kaak iyyemii, «Akak yemeeteenim, xer baaxoy Baabelon deqsittahiyya» iyye.

2 Malikwa 20:16

Tohuk lakal Yasaqya kaak iyyemii, «Hay tonnal, YALLI kok iyyam koh warisu waa.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.

Yoosuwa 7:19

Too waqdi Yoosuwa kaak iyyeemih, «Yi baxaw, YALLAY Israayil doore Dagelta kinnihiyyah nabna faylisaay; kay foocal abteemit yab. Abba haytem taway yoh warisay yok maaqarin» kaak iyye.