2 Malikwa 20:13 - NABUWWA KEE MALIKWA

¹³ Ciskiyyaahu farmo elle ruuben mara arcibiseeh; sarrak duyye edde daanah haan makdanwa ken yuybulle. Too makdanwah addal lakqooy dahabaay caxâ-sifa kee qatrik suggu 'tem inkih ken yuybulle. Kalah kaadu, qaskar silaacih agantah tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

2 Malikwa 20:13 ပူးပေါင်းရင်းမြစ်များ

1 Malikwa 10:10

Is sarrak Malik Suleemanah gabat bahte mattaco kaah teceeh; affara alfih kiilo yakke dahabaay, mango caxâ-sifa kee bilqah haan xeetiy limo gibdihiyya kaah tecee. Caxâ-sifa, kaxxam mango caxâ-sifay ahaydumah Yarusalaam baaxol numuh antacawwime wayteh teneeh sarrah antacawwime waytehiyya.

1 Malikwa 10:15

Tohuk kalah kaadu, duyyê-xaamak beya qusuur kee tellemmô-mari yecee qusuur kee, Qarab baaxoh malikwa tecee gabbara kee, tonnah kaadu, Israayil-rasul tan rakaakay-abbobti tecee gabbara geyak yen.

1 Malikwa 10:2

Mango mara wakalih is lih hayyaay, gaalal caxâ-sifaay bilqah haan xeetiy limo gibdihiyya kee, kaxxam mango dahabak eerra hayteh gexxe. Usuk elle yan Yarusalaam fan temeete waqdi, kaa essertam faxak sugte esseroy niyat luk sugtehiyya kaa esserteh.

1 Malikwa 10:25

Kaa fan amaatinnaan num mattacoh gabat dahab kee lakqok bicsen duyyeey, xer-sarooy, silacaay, caxâ-sifaay, faaris kee baakil kaah baahak yenen. Kulli sanatal kaal yamaate mari taham abak suge.

2 Malikwa 20:14

Sarrak nabi-Yasaqya Malik-Ciskiyyaahu fan yemeeteeh kaak iyyemii, «Too mari akak yemeetem ankeey? Kok iyyeenim macaay?» kaak iyye. Ciskiyyaahu kaak iyyemii, «Akak yemeeteenim, xer baaxoy Baabelon deqsittahiyya» iyye.

2 Malikwa 20:15

Nabi Yasaqya, «Hay, ku qarih addal abaluk sugeenim macaa?» kaak iyye. Too waqdi Ciskiyyaahu, «Yi qarih addal tanim inkih yubleeniih; duyye edde daanah haan kadnoonih addal taniimik ken aybulle wayya heem mayyu» kaak iyye.

Yasaqya 39:2

Ciskiyyaahu farmo elle ruuben mara ruffa luk arcibiseeh, sarrak duyye daanah edde yabbixe makaadin ken culse. Too makaadinih addal, lakqooy dahabaay caxâ-sifaay qatri kee qaskar silaacih agantah, tu cabe'kal ken yuybulle. Ciskiyyaahu isi qarih adda kee isi xintoh gubat taniimik ken aybulle wayya heem mali.

Ermiyaas 9:22

Kaadu iyyeemih: «Rabe marih lafa saqi dacah innah, kulli ikkel qidelon. Yifiilen darok caben caffih innah, kulli ikkel cayxih aneleeh, ken yaaguqe num mageytima. YALLI yok inxica iyyem tamaha» iyye.