2 Malikwa 2:5 - NABUWWA KEE MALIKWA

⁵ Sarrak butta takke nabuwway dabqih Yerikol tanihiyya Eliisaq fan amma 'teeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay, wohut yaabe waynay» keenik iyye.

2 Malikwa 2:5 ပူးပေါင်းရင်းမြစ်များ

1 Malikwa 20:35

YALLIH amrih, butta-takke-nabuwwah-addak, nabi amma iyyeeh isi innah yan nabik, «Yoo utuk» iyye. Woo nabi woh kaak cineh.

2 Malikwa 2:3

Butta takke nabuwway wokkel dabqih tanihiyya Eliisaq fan amma inteeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay wohut yaabe waynay» keenik iyye.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

2 Malikwa 5:22

Gecdi, «Tekkem matan immay, yi abba yoo ruubeeh, ‹Away Efrayim rasuk woo qaleelah tan baaxol tan nabuwwak namma nabi temeeteeh; tonna-leemik lakqok sidiica alfih garsi kee, xagar meqe sartanak namma saro yoh rub› kok iyyeh yan» iyye.

2 Malikwa 6:1

Ayrok teena butta takke nabuwway Eliisaq saqalah akak yanihiyya Eliisaqak intemii, «Elle nan arac kaxxam nek qunxa.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

Yasaqya 41:1

Yalli iyyaamah: «Isin xer baaxol yan maraw, tibba 'xicay yoo fan ama. Baadal tan ummatey, qusba qande haysita. Cokmi-buxal yaabittaanamih nasiib alletton. Gital nek yan num nable'gidih, fooca kee foocah cokmi-buxal nangooroway.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

Cabakkuk 2:20

YALLAH tu gactek, elle yanim taahirik yan qariy qaraanal yani. Addunyal enna 'ya mari kay foocal tibbi iyyoonay.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.