2 Malikwa 2:3 - NABUWWA KEE MALIKWA

³ Butta takke nabuwway wokkel dabqih tanihiyya Eliisaq fan amma inteeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay wohut yaabe waynay» keenik iyye.

2 Malikwa 2:3 ပူးပေါင်းရင်းမြစ်များ

1 Malikwa 18:4

Idebal Yallih nabuwwa qidak ten saaku, Qobadya bool nabi beyya heeh namma kontomuh ken kurra heeh gablat yooqore numuk ten. Too nabuwwah makmok maaqabu tokke baahak yen.

1 Malikwa 20:35

YALLIH amrih, butta-takke-nabuwwah-addak, nabi amma iyyeeh isi innah yan nabik, «Yoo utuk» iyye. Woo nabi woh kaak cineh.

2 Malikwa 2:15

Yerikô-magaalal ten kontom takke nabuwwa tekkem tuble waqdi, «Eliyyas luk yen qande Eliisaqah raqteh tan» iyyen. Too waqdi kaat yangooroweeni'gidih, kaal yemeeteeniih, foocal kaak gommoh raden.

2 Malikwa 2:5

Sarrak butta takke nabuwway dabqih Yerikol tanihiyya Eliisaq fan amma 'teeh, «YALLI a saaku ku kabir kok beelem maay taaxigee?» kaak iyyen. Eliisaq keenil gacsemii, «Yeey, aaxigeh immay, wohut yaabe waynay» keenik iyye.

2 Malikwa 2:7

Too waqdi kontom takke nabuwwa Ordon weeqaytu fan ken lakat gexxe. Sarrak Eliyyas kee Eliisaq weeqaytih qaxal solte. Too waqdi woo kontom takke nabuwwa keenik xayi ikkeek solla 'te.

2 Malikwa 4:1

Butta takke nabuwwak numuk teenah yen nabik raqte gubna Eliisaq fan temeeteeh kaak inteemih, «Yallih numow, baqli yok rabeh; yi baqli akah taaxige innah, YALLIH meysi le numuk ten. Duma magoh maalu akak beeh suge num, woo magoh aftok, lab-xayloh nammay yok naqoosannuh beyam faxa» inte.

2 Malikwa 4:38

Eliisaq Gilgal-magaala fan yuduure saaku, too baaxol qulul radeh yen. Ayrok teena Eliisaq butta takke nabuwwa barisak suge waqdi, isi taamah numuk iyyemii, «Kaxxa disti giral xikay maaqo neh bicis» iyye.

2 Malikwa 5:22

Gecdi, «Tekkem matan immay, yi abba yoo ruubeeh, ‹Away Efrayim rasuk woo qaleelah tan baaxol tan nabuwwak namma nabi temeeteeh; tonna-leemik lakqok sidiica alfih garsi kee, xagar meqe sartanak namma saro yoh rub› kok iyyeh yan» iyye.

2 Malikwa 6:1

Ayrok teena butta takke nabuwway Eliisaq saqalah akak yanihiyya Eliisaqak intemii, «Elle nan arac kaxxam nek qunxa.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

Yasaqya 8:18

YALLI yoh yecee xaylo luk akkel aniyo. YALLAY Nabaamak Nabaah dardaarinni korsi Siyon-qaleh amol akak tanihiyya yoo kee yi xaylo Israayil ummatta fanah asta nakkuh nee ruube.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.

1 Samuwel 19:20

Too waqdi kaa yaxayu waa mara kaah ruube. Woo mari, Samuwel foocat akak yan nabuwway butta takkeey nabuwwah innah yabtah xongoltahiyya yublen. Yallak keenil obte *Roocaaniyya too mara kaadu timlikeeh, too waqdi Saawul ruube mari woo marat yengeleeh, kaadu nabuwwah innah yaabakaay xongolak yenen.