2 Malikwa 2:23 - NABUWWA KEE MALIKWA

²³ Sarrak Eliisaq Yeriko cabeh Beetal-magaalah-gexoh gital yan waqdi, lab-urri magaalak yewqeh kaal yemeeteeh; too waqdi, «Bidaarow, akkek gex! Bidaarow, akkek gex!» axcuk kaal anqaasen.

2 Malikwa 2:23 ပူးပေါင်းရင်းမြစ်များ

2 Malikwa 2:11

Tonnal titta lih bisoh elle gexaanamal walalak gexen. Sarrak garciik girak bicsen gaariy girak bicsen faras giitak beytahiyya ken nammay fan temeeteeh, too waqdi Eliyyas mermeritta caacot qaran fan yewqe.

2 Malikwa 2:2

gital Eliyyas Eliisaqak annah iyye, «Away YALLI ‹Beetal magaala gex› yok iyyeemih sabbatah gexah anik; atu akkel elle sug» kaak iyye. Eliisaq kaal gacsemii, «YALLAY waarahiyyah migaq kee ku manol xiibitah ani'mmay, kok maraaqa» kaak iyye. Tonna-leemik titta lih Beetal magaala gexen.

2 Malikwa 2:22

Too lee too ayrook wadirik xabba haanamaay a saaku fan, Eliisaq akah inxicca 'ye innah, temqeh ten.

2 Aydaad 36:16

Takkay immay Yalli ruuba Yallih farmoytiitil asuuluk keenil anqaasakaay Yallih yab maaqilak sugen. Ellecabol YALLIH naqabuy kaxxam gibdihiyya keenil oobeh; kay naqabuk num macattiiminna.

Yasaqya 1:4

Dambi-le-ummattey, mako-le-maray, umaane-raceynittey, taama akak toome urrow, YALLA cabba hayteenih, Israayil doore Dageltay *kudduusuk yanihiyya bursutteenih darre kaat cabten.

Yasaqya 3:5

Mari marat keenik xukkutele. Qunxa urri barah naba mara mayassakaxxa. Tut loowoh suge wee mari, isik naba mara mayassakaxxa.

Ermiyaas 20:7

YALLA lih yaabeeh exceemih, «YALLAW yoo aylahisseh, kol aylahite. Qandeh yok taysem aaxigeh; caylah yok teyseh. Sinam burah af yol raqeeqissaah, anqaasah yol raban. Inkih tan ayro yol anqaasak asan.

Ermiyaas 20:8

Yaabinnaan waqdi, ‹Baati siinit temeeteh umaane sin tibbixeh› axcuk deero aba. Ku farmo warsa num ekke'mmay, ku farmo akah warsa mari anqaasah yoo leeh yoo bursutaanah.

Ermiyaas 7:18

Yol umam baahaana'gidih, urri keenik boco baahaah, ken abbobti woo bocot gira urussa. Agbi keenik qagina arqusa. Too qaginak too giral alaysen gaqambo, Gannat-Malikáy yallah loonuhiyyah dooqah baahan. Tohut mayaadiyaanay, yalla akak iyyan duyyeh sadgatah qinabak bicsen kamri baahan.

Hosiqa 10:15

Beetalal yan maraw, siinit kaadu takku waytam tohu. Toh siinit akah takku waytam, isin abten kaxxa umaane. Israayil malik carbik qimbot rabele» 'yaanam iyye.

Hosiqa 10:5

Samaariyal yan mari dahabak bicsen dahaltuy yaqbudeenihiyyay Beet-Awenil yanit takku waytaamak meysitak yanin. Keenik baysoonu waan saaku, rookitelon. Woo daheltih ceeloh baahan sadgat gabal akak acayuk sugen seeka, woo ceelo le nabna kasitak kaat tekke baatih boogisele.

Hosiqa 4:15

«Isin Israayil maraw, yoo ganteenih. Yuudâ mari sin akke way! Gilgal kee Beet-Awen magaaloolil qibaada maabina. Yi migaaqay waarahiyyal maxiibitina.

Qaamus 3:14

Israayil mari abe dambih digaalu waa saaku, Beetal-magaalal tan sadgat elle aban arooca keenik aggileyyo. Sadgat elle aban aracak affara ruknil tan gaysoosi bututtukka axceleeh; baaxot radele.

Qaamus 4:4

YALLAY Mulki le iyyaamah, «Israayil maraw, fardi siinit celtek, Beetal gexay dambit asa. Gilgal gexay, dambik dudda hayteenim aba. Yok wayteenik, maacak maaca sadgatah lac baahay qidaay, sidochaytoh ayro dakaat ucuya.

Qaamus 5:5

Bersabaq fanah qibaadah magexina. Beetal magaalal kaadu qibaada maabina. Macaay inteenik, Beetal foyyâ magaala akkele. Gilgal kaadu magexinaay, Gilgal magaalal dabqih yan mara seewah beelon› iyya» 'yaanam iyye.

Qaamus 7:13

Takkay immay Beetal malik qibaada elle abaah, ummat dooqa elle abta qari kinnuk, tahaysa tokkel sirri uble 'yaanam maxcin» 'yaanam iyye.