2 Malikwa 2:15 - NABUWWA KEE MALIKWA

¹⁵ Yerikô-magaalal ten kontom takke nabuwwa tekkem tuble waqdi, «Eliyyas luk yen qande Eliisaqah raqteh tan» iyyen. Too waqdi kaat yangooroweeni'gidih, kaal yemeeteeniih, foocal kaak gommoh raden.

2 Malikwa 2:15 ပူးပေါင်းရင်းမြစ်များ

1 Malikwa 19:16

Nimsi-baxa-Yaahu kaadu, Israayil-malik akah yakke innah, kaa uskut. Aabil-Macoola deqsitta magaalal yan Saafat-baxa-Eliisaq kaadu, ku lakal nabi akah yakke'nnah, kaa uskut.

1 Malikwa 20:35

YALLIH amrih, butta-takke-nabuwwah-addak, nabi amma iyyeeh isi innah yan nabik, «Yoo utuk» iyye. Woo nabi woh kaak cineh.

2 Malikwa 2:19

Yerikô-magaalah marak tu takkem kaal temeeteeh annah inte. «Atu akah taaxige innah, a magaala meqe aracal xiseeni'mmay, lee akak mameqeey, ta lee daro mataysubuka» iyyen.

2 Malikwa 2:7

Too waqdi kontom takke nabuwwa Ordon weeqaytu fan ken lakat gexxe. Sarrak Eliyyas kee Eliisaq weeqaytih qaxal solte. Too waqdi woo kontom takke nabuwwa keenik xayi ikkeek solla 'te.

2 Malikwa 4:37

Too waqdi is Eliisaqak ibal qansah baaxo xagtam fanah radde. Sarrak isi baxa luk gexxe.

2 Malikwa 5:22

Gecdi, «Tekkem matan immay, yi abba yoo ruubeeh, ‹Away Efrayim rasuk woo qaleelah tan baaxol tan nabuwwak namma nabi temeeteeh; tonna-leemik lakqok sidiica alfih garsi kee, xagar meqe sartanak namma saro yoh rub› kok iyyeh yan» iyye.

2 Malikwa 9:1

Too saaku nabi Eliisaq furraynah tan nabuwwak numuk teenah seeceh iyyemii, «Raamot rasul tan Gilqad deqsitta magaala gexxa'gidih bical gac. A xalay addat akak caxâ xaylok bicsen *zeyti (saliid) yanihiyya gabat bey.

Yasaqya 11:2

YALLIH *Roocaaniyya kaal gaceleeh; kas kee ixxigaay, fayu kee dudday isi ummatta edde xiinisu waahiyya kaah aceele. Tonnal YALLIH fayxi aaxigeleeh kaa aynabele.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Qaamus 7:14

Too waqdi Qaamus kaak iyyemii, «Anu lac kee subla dacrisa num kinniyo. Nabi hinniyooy, nabuwwal yimixxige marih num hinniyo.

Yoosuwa 3:7

Tohuk lakal YALLI Yoosuwak annah iyye. «Anu a saaku abu waamak gexxaamah, Israayil mari kaxxa numuh koo abaluk raaqeleeh; anu Muusa lih akah suge innah ko'lih kaadu anim aaxigelon.

Yoosuwa 4:14

YALLI too saaku abem Israayil marih garil Yoosuwa kaxxa num abte. Oson Muusa assakaxxayuk elle suggu 'yen innal, Yoosuwa assakaxxayuk raaqen.

1 Samuwel 10:5

Tohuk lakal Gibqa-Eelohim deqsitta magaalay Filistiin-qaskar elle tinfidiggeh tanihiyya fan amaatetto. Too magaalak culmal butta takke nabuwway Yallih sadgat elle aban koomak roorul obtahiyyat garayetto. A nabuwwa *begena kee karambooy fooxima kee kirar aagarukuuy argadukuuy nabuwwah innah yaabakaay xongolak koh sugelon.