2 Malikwa 2:14 - NABUWWA KEE MALIKWA

¹⁴ Too waqdi Eliyyas-raraytot woo weeqaytu yootokeeh, «YALLAY Eliyyas elle yaamine Dagelta kinnihiyya ankel yan?» iyye. Woo weeqaytu yootoke waqdi, weeqayti namma'kkel gace. Sarrak Eliisaq adda akak tabeh weeqaytuk woo qaxal yeede.

2 Malikwa 2:14 ပူးပေါင်းရင်းမြစ်များ

2 Malikwa 2:13

Tohuk lakal Eliyyas-raraytoy kaak radde yukkuqeh wadirih yuduureh, Ordon weeqaytih qaxal soole.

2 Malikwa 4:29

Eliisaq, Gecdi fan ufkunna 'yeh iyyemii, «Isissikay yi caxxa gabat luk gex. Gital edde garayinnaan num lih salaamatta inteh masoolin. Xabba 'xicay buxa fan gexaay, awki amol yi caxxa daffessa hay» iyye.

Ermiyaas 2:6

‹Masrik addak nee eyyeqqa heeh goloola kee bacarih tan baaxoy num sinniih lac sinniih gibdaabina leeh bakarroytah tanihiyyak addak isih foocat nek gacca 'yeh nee baahe Dagelti maca abeh?› maxacinnon. Yoo hawweeneeniih caagid yot mallinnon.

Ayyuqel 2:17

Yallih Qibaadah-Qarih adda akak culan culma kee sadgat elle aban aracak fanal, seekay YALLIH naqoosah-tani YALLAL weeqak dooqa abtaama. «YALLAW, isi marah xuwaw. Sahda nel asuule kalaay, sahda, ‹Sin Dagelti ankel yan?› axcuk elle qangaasalta mara nee maabin» axcuk dooqa abaanama.

Makaabon 6:13

Too waqdi Gidqoon YALLIH malaykattuk iyyeemih, «YALLI ne'lih yenek, annah tanim net akah takkem maca kot celta, yi amoytaw?» kaak iyye. «Ni kaxxa abbobti neh warisseh sugte qagabah taniimiy YALLI abeh iyyeenihiyya kee, Masrik ken elle yeyyeeqe'nnay neh warseenihiyya maca tekke? YALLI maqal net aalle cineeh; Miidiyan marih xukkot yan mara nee abe» iyye.