2 Malikwa 19:37 - NABUWWA KEE MALIKWA

³⁷ Ayrok teena yalla iyyeh yaqbude duyyey Nisrok deqsittahiyya, wohuh bicsen qarih addal aqbuduk suge waqdi, kay xayloh nammayay migaaqah Adrammelek kee Sarxer deqsitta amma 'teh seefit kaa qiden. Sarrak Araarat deqsita rasu fan yoowwen. Kay aracal Isar-Caddon deqsita kay baxi malik yekke.

2 Malikwa 19:37 ပူးပေါင်းရင်းမြစ်များ

2 Malikwa 17:31

Qiwwak yemeete mari Nibcad kee Tartak akak iyyan duyyey yallah loonuh ceelo haysiten. Safarwayimik yemeete mari Adrammelek kee Qanammelek deqsittaamay yalla axcuk elle yaamineenih isinni xaylo sadgatah qideeniih cado akak solal carrisen.

2 Malikwa 18:30

Usuk, ‹YALLI nee cateh Assuuriyah-qaskar magaala nek abbixe kalelek, YALLAL eemena› siinik iyyaamah maamanina.

2 Malikwa 18:5

Ciskiyyaahu YALLAY Israayil doore Dageltah yanihiyya yeemeneeh; Yuudâ-rasi kay innah yan malik duma luk masuginnaay, sarra kaadu kay lakal magenna.

2 Malikwa 19:10

Warkatal kaak iyyeemihii, «Atu elle taamine yalli, Yarusalaam-magaala Assuuriyah-malikih-gabat maradda, kok iyyaamah numma makkalin.

2 Malikwa 19:17

YALLAW, Assuuriyah-amoytitte nummah mango doolatwa bayisseeh; ken baaxooxa abur abeenih caben.

2 Malikwa 19:31

Macaay intek, Siyon-qale kee Yarusalaam-magaalah addak baatik saaboh raaqe mari anele. Taham YALLAY Nabaamak Nabahiyya keenih le kaxxa kacanuk gexxaamah abele» iyye.

2 Malikwa 19:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

2 Aydaad 32:14

Ta gid takke baaxooxah yallitte ni gabak ken mara catte saaku maay lee? Hay tonnal, sin yalli sin catelem mannal siinit celtaa?

2 Aydaad 32:19

Yarusalaam cata Yalla kee, gersi mari yalla iyyeh yaqbudeemiy gabak bicseeni, inki intit yublen.

2 Aydaad 32:21

YALLI, malaykattu ruubeeh; woo malaykatti Assuuriyah qaskar abbobti kee qaskar qide. Assuuriyah malik tohut wacarriy kaa yibbixeeh, Assuuriya fan yuduure. Ayrok teena Assuuriyah malik, Yallih aftok yalla axcuk Yalla akke sinnim elle yaqbude qarih addal yan waqdi, kay xaylok tu seefit kaa qidde.

Qedra 4:2

Too waqdi Darabbabel kee gulubwah saqolti fanah yemeeteeniih iyyeenimih, «Sin kee nee naqbudem inki Yalla. Assuuriyah malikih yen Isar-Caddon, dabaaqah akkel gacna'gidih, akke nee rubbu heemiiy akke fan, sin Dageltih-migaaqal sadgat abak sugne. Away kaadu Yallih Qibaadah-Qarih xisnel sin catnuh nemeete» iyyen.

Ermiyaas 51:27

«Qaskarey, qeebi qimbissaanamih qalaamatih saro gubaak fayya haa! Baaxo inkih akah taabbe'nnah, *baanta ugura. Baabelon marih qeebih ummat bical haa! Araarat kee Minni kee Askanad doolatak, qeebi qimbisa inxica. Gaadu miraacisu waa gaadi abba haysita. Qeebih faarisik mangah qanayti gid takkem ruuba.