2 Malikwa 19:35 - NABUWWA KEE MALIKWA

³⁵ Too bar YALLIH malaykatti Assuuriyah-mari elle yan ikke amma 'yeh bool kee bacra-taban kee koona alfih num yiggifeh maacise. Saaku sinam xiinik ugutte waqdi, too gide yakke marih ginaada yublen.

2 Malikwa 19:35 ပူးပေါင်းရင်းမြစ်များ

2 Samuwel 24:16

Too dalkat sahda qidak suge malaykatti, Yarusalaam magaalah mara kaadu edde qidam faxak suge. Too waqdi YALLI a mara digaalaamak qaadeeh; malaykattuk, «Ahaysa qidim eyseedey sinaamak qiddem duddak» iyye. Woo malaykatti woo waqdi Ornan deqsita numuy Yabuusa deqsita marah yoobokehiyyah aracay darok caffa elle kalaanahiyyah garil soolak suge.

2 Malikwa 19:7

Toh lih kaadu kok iyyaamah, ‹Assuuriyah-malikil roocaaniyya ruubeyyo. Too waqdi asmat sinni xaagu aabbeleeh, isi baaxo fanah aduurele. Tokkel seefit kaa qidsiiseyyo› kok iyyah yan, kaak inxica› 'yaanam farmo baahe maral ruube.

1 Aydaad 21:12

Kaak iyyeemih, «YALLI, ‹Sidooca sanat qulul siinil ruubam kee, sidooca alsih gide naqboytit kok yan mari koo ayradduk sugam kee, wonna hinnay, kaadu sidooca ayro YALLI qeebi isi siinit abaah, isi malaykattih gabat inkih yan rasul sinam qidda dalka siinit ruubaamak koh tayse tiya dooritay yol rub› 'yaanam kok iyyek, YALLAL maca gacisuu?» 'yaanam kaak iyye.

1 Aydaad 21:16

Dawud YALLIH malaykattuy qaran kee baaxok fanat gabat seef luk soolahiyya yuble. Malaykatti too waqdi Yarusalaam magaala baysam faxak yen. Dawud a malaykattu yuble waqdi, kaa kee Israayil makaabon xagaral *qabuudut gacca 'yeenih baaxok bagul qansa baaxo keenik xagtam fanah gommoh raden.

2 Aydaad 20:24

Yuudâ-qaskar woo bacarih tan baaxo akak yablen ikke guffu heenih, taaxige qeebih keenih tamaate qaskar fanah wagga heen waqdi, yakkeenimiik baaxok bagul qangalaylut yan maray rabehiyya yublen. Num keenik raaqe'kal yembexeenim keenik yublen.

Yasaqya 10:33

YALLAY Dagelta kinnih, Nabaamak Nabahiyya, isih qandey kaxxa cunxo sahdat qiddahiyyat caxak yirgiqen luddi innah ken baysele. Ken addak kaxxiina kee nabnah lafitta 'ya mari bayeleeh qaybit radele.

Yasaqya 17:14

Bari yakke waqdi cunxo sinaamat qideloonuuh; maaci maacisa waqdi masugan. Ni baaxo buuba marih ellecabo tamah teetiiy; tamah keenit akkele.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Daaniyel 5:30

Malik isih, too barat edde, marin gabat rabe.

Hosiqa 1:7

Yuudâ marah tu gactek, keenih xuwaaweyyo. Yoo YALLAY ken Dagelta kinni ken cateyyo. Ken elle catu waam, carbi abitto hinnaay, seef kee gaysê-baxa hinnaay, faaris kee faaris amot yan mara hinnay, inni qandet ken cateyyo» iyye.