2 Malikwa 19:25 - NABUWWA KEE MALIKWA

²⁵ «Anu aham dumaak takku waytaamal malseh sugem maabbito'nnaa? Away woh absissem yoo. Woo gasoosa maroh edde tan magaalooli riira edde abte qande koh teceem yoo.

2 Malikwa 19:25 ပူးပေါင်းရင်းမြစ်များ

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 45:7

Dite kee ifu bicissem yoo. Barkat sinaamat haytaah, bala sinaamal rubtam yoo. Ah abtam yoo YALLA.

Yasaqya 45:8

Qadaalat qaraanak robti innah ruubeyyo. Addunya woh raabiteleeh, namma gaba akah garaysele. Yi wadu kee qadaalat teetil reedele. Aham absissu waytam yoo YALLA» iyye.

Yasaqya 54:16

Gabâ-birta bicsa mara tuklukem yoo; silaacat sinam qidda qaskar gintem yoo.

Miika 1:6

Tahih giddinaamak YALLI iyyeemih: «Samaariya hunah tan baaxoy qinab elle yaabukehiyya abeyyo. Taddigille qarwak radu waa xeet kee coox golot qideyyo. Qarwak rakiibo abuuruh raaqele.