2 Malikwa 19:22 - NABUWWA KEE MALIKWA

²² Atu xaafteeh qayto edde abtem iyya takkalee? Kaxxiinah amo qaraanal haak tanim iyyaay? Ceele wayta umaane akak intem iyyaay? A ceele-waytam akak axcuk sugtem, Israayil doore Dageltay saytuniih, *kudduusuk yanihiyya kinnim mataaxiga'nnaa?

2 Malikwa 19:22 ပူးပေါင်းရင်းမြစ်များ

2 Malikwa 19:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab» 'yaanam farmoh kaah ruube.

2 Malikwa 19:6

woo yaabal gacsemii, «Sin amoytak intaanamaa, ‹YALLI, Assuuriyah-malik ruube urri-xayli yoo xaafak siinih baahe farmok mameysitina, 'yaanam kok iyyah yan› inxica.

Yasaqya 10:13

Assuuriyah malik, «Abba heem inkih inni qandet abeeh, qandeey kas kee bagi cubbi liyooh, ummatak qeebil eyseeh, inki ikkeh ken gacse. Oson daaniseenih sugen duyye keenik bee» axcuk tirtiriseh. Tonnah kaadu, «Wokkel tan malikwak, celem akah aba innah, amot taqqa exceh gexeeh,

Yasaqya 10:15

Takkay immay godma gabat tet le numuk nabiyoh intam bictaa? Miisar tet gabat le numuy duyye teetit yargiqehiyyak maay yayse? Gabâ-caxxi num mayakkuqa; num gabâ-caxxa yakkuqe ikkal.

Yasaqya 30:15

Mulki le YALLAY Israayil doore Dagelta kinniih *Kudduusuk yanihiyya iyyaamah, «Amay yol uduuray yol eemena; tonnal waddiimetton. Macisabbootinay kibaal yol hayisa; tonnal qande geetton» 'yaanam iyya'mmay, isin wohim cinteenih.

Yasaqya 5:24

Tonna leemiik caffa kee qayso elle kafta innal kafettoonuuh, girat cararetton. Ragid siinik soxkele. Qobor siinik kafeh caacay beele. Toh siinit akah takku waytam, YALLAY Nabaamak Nabahiyya isi xintol siinih warsem cinteeniih, Israayil doore Dageltay *kudduusuk yanihiyya aba nek iyyem cinteenimih sabbata. Kay barittot maqal mahaysitinniton.

Ermiyaas 51:5

Ah yoo YALLAAY; anu Israayil kee Yuudâ marak ahaydumah mahawweeninniyo. Yooy Israayil doore Dagelta kinniih *kudduusuk yanihiyyal dambi lem baaheenim aaxigeh immay, tohuh, niya keenik uxih makalinniyo.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.