2 Malikwa 19:18 - NABUWWA KEE MALIKWA

¹⁸ Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal, Yalla hinna.

2 Malikwa 19:18 ပူးပေါင်းရင်းမြစ်များ

2 Samuwel 5:21

Filistiin-mari kude waqdi, Yallih aftok aqbuduk sugen duyye elle cabeenih kuden. Sarra too duyye Dawud mari gabat luk gexen.

2 Malikwa 10:26

Woo saytun-qamiddu akak axcuk sugen qamidduy wokkel sugehiyya afah yeyyeeqeenih cararisen.

2 Malikwa 19:17

YALLAW, Assuuriyah-amoytitte nummah mango doolatwa bayisseeh; ken baaxooxa abur abeenih caben.

Yasaqya 10:10

Yarusalaam kee Samaariyak fula, muxxo le yallitteh-ceelo yaqbude doolatal gaba heeh ken ibbixe.

Ermiyaas 16:20

Sahdayti isi Dagelta isi gabak bicsam, bictam hinna'mmay, ni abbobti toh abak sugte. Gabak bicsen duyye Yalla matakka› 'yaanam axcelon» exce.