2 Malikwa 18:7 - NABUWWA KEE MALIKWA

⁷ YALLI kaa'lih yeneeh; usuk abba hannaanim inkih gabal kaak bicak ten. Usuk Assuuriyah-malikih yab oggolaanam kee kay xintoh gubat gacaanam raabite cineh.

2 Malikwa 18:7 ပူးပေါင်းရင်းမြစ်များ

2 Samuwel 8:14

Sarrak inkih yan Edom rasul isi qaskar hee. Tokkel suggu 'ye mari kay gubat gace. Dawud elle gexinnaan ikkel abinnaan qeebil, YALLI nasri kaah acayuk yen.

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

2 Malikwa 16:7

Acad sarrak Assuuriyah malikih yen Tiglat-Fileeser fan farmo ruube. Iyyeemih, «Anu atu aba axcinnaanim abaah, ku amrih yan num kinniyo. Tonna'mmay ta saaku yoh amay, Suuriya kee Israayil qaskaray yoh gaaddahiyyak yoo cat» 'yaanam farmoh ruube.

2 Malikwa 17:3

Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

2 Malikwa 18:14

Too saaku Malik-Ciskiyyaahu Assuuriyah-malikiy Laakis magaalal yenehiyyah farmo ruube. Too farmol iyyemii, «Umam bahtem yoo kinnim innik eexegeeh; atu faxinnaanim koh aceeyyok, ahaysa ku maganak qeebik yok sol» 'yaanam kaak iyye. Malik Sanceerib tohul gacsemii, «Hay tonnal, lakqok tabna alfih kiilo takkem kee, dahabak kaadu alfih kiilo takkem yoh rub» 'yaanam kaal gacse.

2 Malikwa 18:20

Kaxxa-yab carbi-mala kee qaskariinô-dudda koh akkelem maay takkalee? Assuuriyat qeebi abtuh amo elle meqitom iyyaay?

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 31:21

Usuk, Yallih Qibaadah-Qarih abba haa taama kee Yallih xinto elle inta'nnal abe taama inkih, isi Dageltah baguuk abak yeneeh; kalah kaadu Yallih qibaadat dibuk yan numuk ten. Tohuk gexxaamah abinnaan taama inkih missat kaah gacte.

2 Aydaad 32:30

Ciskiyyaahu Gicoon buyyih leek daga raqta afa aliffa heeh, woo lee dagga hee caraatak Yarusalaam magaalah gidaarittek adda gacca 'teh darah akah gexxa innah abe numuk ten. Usuk abba heem inkih kay gabal bicteh.

Yasaqya 33:6

Tet doolatah digga akkele. Teetih dacayri akkele. Kas kee ixxiga keenih aceele. Kaxxa acwa akak 'yaanam, YALLA meysitak yassanabbeenimi.

Yasaqya 36:5

Kaxxa-yab, carbi-mala kee qaskariinô-dudda koh akkelem maay takkaleeh? Assuuriyat qeebi abtuh amo elle meqitom iyyaay?

Makaabon 1:19

YALLI Yuudah yooboke mara cateeh; qaleela mango baaxol yen mara wokkek xiiriyeenih, ken baaxol gacen. Takkay immay baddi dariifal yen mari biriitak bicsen gaariira luk yeneeniih; tohih sabbatah Yuudâ mari keenik iissa 'yeh baaxok ken yayyaaqem maduudinnon.

1 Samuwel 18:14

YALLI Dawud lih yeneemih sabbatah, Dawud abba hannaanim gabal kaah bicak ten.

1 Samuwel 18:5

Dawud, Saawul kaa akah ruubinnaan taama gabal kaah bicca 'teh adaaruk yen. Tonna-leemiik Saawul qaskarak exxak teenah abba kaa abe. Tohuk gexxaamah Saawul qaskarih abbobti kee raqqa 'ye mari inkih ruffa iyye.