2 Malikwa 18:34 - NABUWWA KEE MALIKWA

³⁴ Camat kee Arfad suge marih yallitte ankel tan? Safarwayim kee Heenaq kee Qiwwal suge marih yallitte ankel tan? Samaariyah yalli keenih xiqem maay le?

2 Malikwa 18:34 ပူးပေါင်းရင်းမြစ်များ

2 Samuwel 8:9

Sarrak Hamat-rasul yen malikiy Tooqi deqsitahiyya, Dawud, Hadad-Qeder qaskarak inkih yeyseh 'yaanam yoobbe waqdi,

Yasaqya 10:9

Kalnu kee Karkamis magaalah marak carbil eyseh. Tonnah kaadu Camat kee Arfad magaalah marak carbil eyseh. Samaariya kee Damaskoh magaalah marak kaadu eyseh.

Yasaqya 37:13

A saaku Camat kee Arfad kee Safarwayim kee, tonnah kaadu, Heenaq kee Qiwwah malikwa ankel tanim kot celta? Ta saaku ta amoytittek num mayan» 'yaanam warkatal yuktubeh, farmoh kaah ruube.

Ermiyaas 49:23

Damaskoh magaalah giddinaamak YALLI iyyem ah teeti. «Camat kee Arfad magaalal yan mari kaxxam cisabbootiyyat yaniih; too cisabbootiyyat akah yaniinim, uma xaagu yoobbeenimih sabbata. Edde yaniinim ankakkaqe kee cisabbootiyyak, mayaffoofan.

Qaamus 6:2

Kalne deqsitta magaala fanah gexay wokkel tanim ubula! Wokkek bisoh taturra 'xicay Camat deqsitta kaxxa magaala kee Gaat deqsitta magaalay Filistiin mari elle yanihiyya fanah gexay tanim ubula. Woo mari siinik maay yayseeh, ken baaxo sin baaxok maay taysee? Mataysa.