2 Malikwa 18:26 - NABUWWA KEE MALIKWA

²⁶ Usuk too yaabak gaba kale waqdi, Elaakim kee Sebna kee Yowac kaak intemii, «Ni abbaw, nanu naaxigem Suuriyah afak woo afat yaabaay ama. Qibraan afay edde yabtahiyya a magaalah-gidaaral yan mari inkih yaabbeh; edde mayaabin» iyyen.

2 Malikwa 18:26 ပူးပေါင်းရင်းမြစ်များ

2 Malikwa 18:18

Tohuk lakal Malik Ciskiyyaahuh farmo ruubeeh; too farmol kay marak sidiica num yemeete. Woo sidiica num Cilkiyyá-Elaakimiy malik-qarih-abbah yanihiyya kee, Sebna deqsita numuy malik-qarih kutbe-abeenah yani kee, Asáf-Yowac deqsita numuy tikki 'taamah kutbeh abeenah yanihiyyak ten.

2 Malikwa 18:25

Qagisak iyyemii, «A arac baysa'gidih akah emeetem, YALLIH amri'kkal, inni amri maay takkalee? YALLI, ‹Woo baaxo ibbixay bayisa› 'yaanam isih yok iyye, 'yaanam kaak inxica» keenik iyye.

2 Malikwa 18:27

Too waqdi too qaskar abba keenil gacsemii, «Macaa, yi malik farmo yol akah ruubem dibuk sin kee sin malik maay takkalen? Tonna hinna! Farmo yol akah ruubem, isin edde anuk a maray gidaaral daffeyahiyyah kaadu edde ruube. Ama gidaaral daffeya maray siinik kaxxih kaadu isi caara yakamu waah isi daaco yaaqabu waahiyyah kaadu waris yok iyye» keenik iyye.

2 Malikwa 18:37

Sarrak Elaakim kee Sebna kee Yowac aben rookah sara isinnik qanxiseenih Assuuriyah-qaskar-abbah-yan-num keenik iyyem malikih warsen.

Qedra 4:7

Tonnah kaadu Artacsasta deqsita malik Fursi-rasul dardaare dabaanal, Bislam kee Mitradat kee Tabqel kee ken waday too malikih warkat uktubba hayteh kaah rubte. Too warkat edde yuktubeenim, Suuriyah afak teneeh; sarra warkat intam kaah warsen.

Yasaqya 22:15

YALLAY Dagelta kinnih, Nabaamak Nabahiyya iyyemii, «Malik buxak abbah yan yaaloy Sebna deqsitahiyya fan gexay kaak intamaa,

Daaniyel 2:4

Oson too waqdi Suuriyah afat kaal gacseenimih, «Malikow, ku qumri waaray. Tuble soono neh waris, maqna akak koh warsennok» kaak iyyen.