2 Malikwa 18:22 - NABUWWA KEE MALIKWA

²² Qagseh kaadu keenik iyyemii, « ‹Amo elle meqinom, YALLAY ni Dageltah yani› yok inteenik, Ciskiyyaahu, Yuuda kee Yarusalaam marak, ‹Yalla dibuk Yarusalaamal yan sadgat aracal uqbuda› inxicca 'yeh, wadirih fayya-le-aroocal heen qibaadah-qarwa kee sadgat-arooca akak yiggilem YALLA kinnim hinnaa?

2 Malikwa 18:22 ပူးပေါင်းရင်းမြစ်များ

2 Malikwa 18:23

Anu malik Sanceerib afak sin lih yaabu waa. Isin beya mara akah geyteenik, namma alfih faras siinih baahu waamih xagana sin lih culele.

2 Malikwa 19:6

woo yaabal gacsemii, «Sin amoytak intaanamaa, ‹YALLI, Assuuriyah-malik ruube urri-xayli yoo xaafak siinih baahe farmok mameysitina, 'yaanam kok iyyah yan› inxica.

2 Aydaad 31:1

Qiid gaba kalek lakal, tokkel suge Israayil mari yakkeemiik, Yuudâ rasul enna 'ta magaalooli fanah gexeeniih, taahirik tan qamidwa akak iyyan qamidway xeetik bicseenihiyya yiggiggileh. Aseera deqsittaamay yaqbudeenihiyyah astah heenih sugen gurumuuda bututtukku heeniih, sadgat elle aban arooca kee Yalla maleela qibaada elle abak sugte aroocay fayyat raqtahiyya bayseenih. Raqqa 'te Yuudah-baaxol inkih tonnah tanim abeeniih; tohuk kalah kaadu, Benyam kee Efrayimiiy Manassê rasul inkih, tonnah tanim aben. Tohuk gaba kalen waqdi, isinni buxaaxih yuduuren.

2 Aydaad 32:12

Yallih sadgat elle aban arooca kee diyaarah arooca bayisseeh; sarrak Yuuda kee Yarusalaam marak, ‹Qibaada kee qerto qeerisiyya dibuk inki aracal aba› intem kaa» keenik iyyen.

Yasaqya 36:7

Qagseh kaadu keenik iyyemii, « ‹Amo elle meqinom YALLAY ni Dageltah yani› yok inteenik, Ciskiyyaahu, Yuuda kee Yarusalaam marak, ‹Yalla dibuk Yarusalaamal yan sadgat aracal uqbuda› inxicca 'yeh wadirih fayya-le-aroocal heen qibaadah-qarwa kee sadgat arac akak yiggilem, YALLA kinnim hinna?

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.