2 Malikwa 18:17 - NABUWWA KEE MALIKWA

¹⁷ Tohuk lakal Assuuriyah-malik Laakis-magaalak Ciskiyyaahuy Yarusalaam magaalal yanihiyya fan mango qaskar ruube. Woo qaskar lih, qaskar abbobtiy kaxxa arac luk tanihiyyak sidoc ruube. Yarusalaam magaala gufen waqdi, daga raqta dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soolen.

2 Malikwa 18:17 ပူးပေါင်းရင်းမြစ်များ

2 Malikwa 14:19

Yarusalaamal sahda Amaxya qidimil malisse. Toh yoobbe waqdi Amaxya woo magaala cabeh Laakis deqsitta magaala fan megloh gexe. Takkay immay rabah kaah malse mari lakat kaak gexeh kaa qide.

2 Malikwa 18:16

Tonnah kaadu, YALLIH Qibaadah-Qarih-albaabih-bagu kee too albaabih garil usuk isih heeh yen dahab inkih kalla heeh, Malik-Sanceeribih ruube.

2 Malikwa 19:23

Farmo elle rubte maral Yallih qayto ruubak sugte. ‹Faras gaariirat gacca inneh yoo kee yi qaskar Lubnaan-qaleelay fayya le awaquk sugne. Lubnaan-qaleelak kaxxa fayya le qaleela awaquk sugne› yaanam inte. ‹Teetil yen kaxxa coox irgiqeh. Qax muquk ten sariida ragidik irgiqe. Kaxxam xer ikkel tan kaxxa garbo fanah gufeh en.

2 Malikwa 19:6

woo yaabal gacsemii, «Sin amoytak intaanamaa, ‹YALLI, Assuuriyah-malik ruube urri-xayli yoo xaafak siinih baahe farmok mameysitina, 'yaanam kok iyyah yan› inxica.

2 Malikwa 20:20

Wohuk kalah taniimiy Ciskiyyaahu abba heehiyyaay kay agiirinnaay, lee raaqisa dora elle bicisseh, magaalah addal lee culsa'gidih lee edde obta gita boolô-bagul elle dage inna, Yuudâ-Malikwah-Aydaada deqsita kitaabih addal tan.

2 Aydaad 12:4

Naharak gasoosa maroh edde ten Yuudah magaalooli yibbixeeh, sarrak bisoh gutuqak Yarusalaam magaala fan yemeete.

2 Aydaad 32:9

Sanceerib kee kay qaskar Laakis deqsitta magaalal yanin waqdi, ahak gubal tan farmo Ciskiyyaahu kee Yuudâ maray Yarusalaam magaalal kaa lih yanihiyyah ruube. Farmoh ruube abbobti keenik inteemih,

Yasaqya 20:1

Assuuriyah malikih yan Sargon yecee amril, Assuuriyah qaskar abbah yen num Filistiin magaalay Asdood deqsittahiyya yibbixe.

Yasaqya 36:2

Assuuriyah-malik, Laakis-deqsitta-magaalak qaskar-abbah-yan-num Yarusalaam fan ruube. Too num mango qaskar gabat hayya heeh gexeeh, daga-raqta-dorak lee akak tamaate caraata elle obta'kkeh xaqul, «Sara kaqlisa marih Booxa» deqsita arac fan beya gital soole.

Yasaqya 7:3

YALLI, Yasaqyak iyyeemih, «Ku baxay Siir-Yasub deqsita gabat luk gexay Malik Acadat ongoorow. Daga raqta dorak bicsen caraatak obta lee edde taade aracay, «Sara kaqlisa marih Booxa» deqsita arac fan beya giti qaxal yanihiyyal, kaa geetto.