2 Malikwa 18:13 - NABUWWA KEE MALIKWA

¹³ Ciskiyyaahu Yuudâ-malik edde yekkeemih taban kee fereyhaytô sanatat, Assuuriyah-malikiy migaaqah Sanceerib akak axcuk yeneenihiyya, inkih tan Yuudah-magaalooliy maroh gasoosa edde sugtehiyya qeebit yibbixe.

2 Malikwa 18:13 ပူးပေါင်းရင်းမြစ်များ

Yasaqya 10:5

YALLI iyyeemih: «Woyyow, Assuuriyat takku waytaama! Inqibe mara edde digaalu waa caxxih aftoh Assuuriya liyo. Yi bagcarra, gabat le caxxa keenik tan.

Yasaqya 38:5

YALLI kaak iyyemii, «Ciskiyyaahu fanah gexay kaak intamaa, YALLAY ku kaxxa abbah yan Dawuduk Dagelta kinnihiyya, ‹Atu abte dooqa kok oobbeeh, namma intik caxxe ximo kok uble. Tohuk gexxaamah taban kee koona sanat qumrik koh osisah an. Ahak sarra taban kee koona sanat sugetto.

Miika 1:8

Miika iyyeemih, «Tahamay siinit takku waytahiyyah sabbatah, anu rookat an, siinih qaadah. Siinih qaadaah, rookitam yok elle taaxagoonuh, ibqasih gexeyyooh, qasunuk baaxo meekiteyyo. Goroyyah innah kak axceyyo. Wakrih innah wiq axceyyo.

Miika 1:9

Samaariyah mara yabbaxu waa biyak, caba biyak hinna. Yuudâ mara kaadu too bis le biyak abbixele. Baati yi mari elle yan Yarusalaamak culma gufele» iyye.