2 Malikwa 17:9 - NABUWWA KEE MALIKWA

⁹ YALLI, «Amah umahak, maabina» keenik akak iyye taama uqurat aben. Eelli haan magaaloolik qunxa magaala takku, kaxxa magaalay gasot maroh tani takku, duyye elle yaqbuden arooca xisen.

2 Malikwa 17:9 ပူးပေါင်းရင်းမြစ်များ

2 Malikwa 18:8

Filistiin-marak yeyseeh; oson dabqih elle sugen aroocak qunxa magaalaay kaxxa magaalooliy gasot maroh tanihiyyak, Gaadâ-magaala kee teetik dariifal tan baaxoh amma 'yaanam tan baaxo inkih buube.

Yasaqya 29:15

Edde tanin mala YALLAK yaaqurem yakkale maraw, sinim tekkeh! Uma-taama bar ditet abaah, «Nanu abnam iyyi nek yableeh, iyyi yaaxige?» 'yaanam intan.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Yacedkel 8:12

Too waqdi Yalli yok iyyeemih, «Ama Israayil idoola sirrit abta taama tablem hinna? Tasaawirik kibuk yan qarih addat duyye yaqbuden. Oson tah akah abaanam, ‹YALLI a baaxo cabeh ikkal, nanu sirrit abnam nek mayabla› 'yaanama» yok iyye.

Hosiqa 12:11

Gilqad deqsita aracal kaxxa umaanet asa mari ambaxele. Gilgal rasul awurwa sadgatah qidaanah immay sadgat elle aban arac gubbik bagul gaaboysen qalum akkele» iyye.