2 Malikwa 17:3 - NABUWWA KEE MALIKWA

³ Assuuriyah-malikiy migaaqah Salmaneser deqsitahiyya Israayil-rasut qeebi abe. Sarrak Hosiqa kay gubal gace. Tohuk lakal kulli sanatal qusuur kaah acayuk yen.

2 Malikwa 17:3 ပူးပေါင်းရင်းမြစ်များ

2 Samuwel 8:2

Tohuk lakal kaadu Mooyab marak yeyseh. Sarrak carbit yibbixe mara baaxok bagul deerih ken hayya heeh, akatal ken kiyassa heeh, sidoc-sidoc yakke marih addak namma-namma num keenik beyak ken qide. Tohuk wadir Mooyab-mari kay gabat gaceh, gabbara kaah acayuk yenen.

2 Samuwel 8:6

Sarrak Damaskoh-rasih addal isi qaskar hee. Tohuk wadir too mari kay gubat gaceeh gabbara kaah agdayuk raaqe. Dawud qeebi elle abinnaan ikkel YALLI nasri kaah yecee.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:20

Manacem woo lakqo Israayil gaddaleelak gaaboyseeh, kulli numuluuy kontom garsi keenik hee. Manacem too lakqo kaah yecee waqdi, Assuuriyah-malik Israayil baaxo cabeh, isi baaxo fan yuduure.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 17:2

Usuk kaadu YALLAL dambi lem baaheh immay kaak duma Israayil-malikwah suge marih gide dambik maabinna.

2 Malikwa 17:4

Takkay immay sarrak Hosiqa, Masri-malikiy migaaqah Soo deqsitahiyyah farmo ruubeh, «Yoh amay yoo cat» 'yaanam iyyeeh, kulli sanatal Assuuriyah-malikih ruubak yen qusuur yeyseedeh. Assuuriyah malik toh yoobbe waqdi, «Hosiqa casbit haa» iyyeh casbit kaa haysiise.

2 Malikwa 18:31

Qagseh yab bisoh beyak iyyemii, «Assuuriyah malik siinik iyyemii, ‹Bica yo'lih abaay, edde tanin ikkek eweqay gaba yol acuya. Toh abteenik, kulli num siinik is qinabih xaylo akmeleeh, isinni *sublak kaadu sublâ-xaylo akmettoonuuh, isinni qelwak lee aaqubetton.

2 Malikwa 18:7

YALLI kaa'lih yeneeh; usuk abba hannaanim inkih gabal kaak bicak ten. Usuk Assuuriyah-malikih yab oggolaanam kee kay xintoh gubat gacaanam raabite cineh.

Nacmiya 9:32

«Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

Yasaqya 17:4

YALLI iyyaamah, «Too ayro Israayil marih nabna gaba kalele. Xagar keenik boolatakaay qakkootak qakkootelon.

Yasaqya 8:8

Tohuk lakal Yuudâ-rasu fanah, sahda filla fanah yanxuqe weeqih innah, kullim duufut beyak amaatelon. Ammaanuwelow, too qaskar fakimit tan kaxxa galway baaxo inkih duddahiyya akkele» yok iyye.

Yacedkel 23:5

Ohola yi nikaacat anih, dalwa abak sugteeh; Assuuriyah marih kacani kaxxam tet yibbixe. Too maray is kacanuh akah rabak tenehiyya, sartanah qaskar saray qasdiiminit yeneeniih, baaxoh abbobti kee qaskar abbootan luk yenen. Too mari furrayniino kee qax-maqaane luk yeneeniih, faaris amok qeebi abta labhak yenen.

Hosiqa 10:14

Sin marat qeebi akkeleeh; koositih bicissen arooca foyyaase siinik lon. Malik Salman Beet-Arbel magaala carbit bayse saaku tekkem akkele. Too saaku inaani kee xaylo umâ-yabulit raben.

Hosiqa 10:4

Tu xiqe sinni yaabat yaabaanaah; abe wayoonu waanam abenno iyyan. Agdube waan bica sahda lih haan. Qadaalat sinna, robti lakal taabuke xaacalle elle baxacta'nnal, baxacte.

Hosiqa 8:10

Tonna'mmay ta saaku yakkeenimik gaabossa ken heeh, ken digaaleyyo. Assuuriyah malik keenit xukkutu waa saaku, keenit yakkeh yan biyaakah iihiselon.