2 Malikwa 17:29 - NABUWWA KEE MALIKWA

²⁹ Samaariyal gace marah tu gactek, uxih isinni xeet kee cooxih qibaadat gaceeniih; duma woo baaxol suge mari xiseh cabe qibaadah-qarway fayya-le-aroocal heenihiyyal, too duyyeeyah ceelo heen. Kulli mari keenik elle-gacen-magaalal, too akak-yemeeten-magaaloolil sugen saaku elle aamanuk sugen duyyeeyah ceelo haysiten.

2 Malikwa 17:29 ပူးပေါင်းရင်းမြစ်များ

1 Malikwa 12:31

Tohuk kalah qibaada elle aban aroocay fayyat raqtahiyyal qarwa xiseeh, woo aroocah seeka yakku waa maray Leewi-kedoh aabuke weehiyya hee.

1 Malikwa 13:32

Usuk Beetal elle yan sadgat-arac kee Samaariyah baaxol geytinta magaaloolil qibaada elle aban aroocay fayyat raqtahiyyah qaadak edde yaabe yaabay YALLI kaak inxica iyyehiyya nummak maacisele» iyye.

2 Malikwa 17:28

Sarrak too seekiy Israayilih yoobokehiyya wadir Samaariya fan yuduureeh; tokkel Beetal deqsitta magaalal dabqih gace. Tokkel YALLAL elle yaamineeniih kaa elle yaqbuden gita ken barse.

Miika 4:5

Gersi baaxoh mari Yallih aftok gersim yaqbudeeh ken gita kataya. Neh tu gactek, kulli way YALLAY ni Dageltah yani aqbudennooh; kay yab aabbenno.