2 Malikwa 17:23 - NABUWWA KEE MALIKWA

²³ Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 17:23 ပူးပေါင်းရင်းမြစ်များ

1 Malikwa 13:2

Too-nabi, YALLI kaak inxica elle iyye innal, iyyemii, «Sadgat-aracaw, sadgat-aracaw, kok axcem oobbey! YALLI kok inxicca iyyem kok axcu waa. Dawuduk radu waa marak Yoosiyaahu deqsita awki aabukele. Too awki yanabu waa saaku, qibaada-elle-aban-aroocay fayyat raqtahiyyal seekâ-gurral taamita maray ku gari sadgatah qaydarus qeerisaanahiyya qideleeh, ku bagul ken carrisele. Sahdayti-lafa ku bagul carriselon» iyye.

1 Malikwa 14:16

YALLI Israayil ummatat darre cabele. Toh macaay intek, Yarobqam edde ase dambi kee, Israayil mara edde asise dambih sabbata» teetik iyye.

1 Malikwa 9:7

tonnal a baaxoy anu doore ummattah tan Israayilih ecee sugehiyyak sin ayyaaqeyyo. A Qibaadah Qariy yoo elle taqbudeeni'gidih taahirroyse baaqid luk maraaqa. Israayil ummatta, kulli ikkek yamaate mari elle anqaasah burtan mara akkelon.

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

2 Malikwa 17:13

YALLI, isi farmoytit kee nabuwwa, Israayil kee Yuudâ-marah ruubak suge. Too nabuwwa kee farmoytit, «Ummatey, maabitina. YALLI, ‹Yi amri oggola, yi kitaabay sin kaxxa abbobti dabaanaak obtehiyyay nabuwwâ-gabal siinih heehiyya intam aba› siinik iyya» axcuk sugte.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 17:22

Oson Yarobqam-gita kataateeniih; usuk rabek lakal, uxih usuk abba hee dambi aben.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 24:3

Tah YALLIH fayxih tekkeemiiy; YALLI, Manasse abe dambi kee, axcihiiy, tu baahe wee marat abe qidiyyak gexxaamah, YALLI Yuudâ-mara isi garik xiiriyeh. YALLI, Manasseh too dambi macabinna.

2 Malikwa 25:21

Ribla Camat deqsita rasul tan magaalak ten. Tokke ken baahen waqdi, malik ken qidsiiseh. Yuudâ mara seewah elle beenim tonnak ten.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.

Nacmiya 9:32

«Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

Yasaqya 7:8

«Macaay inteenik, Suuriya tet inaytah magaalay Damasko deqsittak qandeh mataysaay; Damasko kaadu malik Raaxiinik qandeh mataysa. Israayil ummattah tu gactek, lactam kee koona sanatih addat, doolat wadirik akak akke waan niksoh annikisselon.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Qaamus 5:27

Toh abtoonu waytaanam, Damaskok daga raqta baaxo sin askiliqu waa saaku. Ahat yabtam yoo YALLAY Nabaamak Naba Dagelta kinni› 'yaanam iyya» iyye.

Miika 1:5

Tah inkih akah takku waytam, Israayil mari edde ase dambih sabbata. Israayil mari Yallih yab cineh. A mara dambit asissem iyyaay? Keenik inaytah tan Samaariyah magaala. Yuudâ-rasul xeet kee cooxut aban qibaada ankeey? Yarusalaam magaala.

Miika 1:6

Tahih giddinaamak YALLI iyyeemih: «Samaariya hunah tan baaxoy qinab elle yaabukehiyya abeyyo. Taddigille qarwak radu waa xeet kee coox golot qideyyo. Qarwak rakiibo abuuruh raaqele.

Miika 2:5

YALLI toh akak iyye mara kinnitoonuuh; tohuk gexxaamah, YALLIH mari baaxo kulli buxah marah kuru waa saaku, isin too baaxot afto manton.

Yoosuwa 23:13

tonnal YALLAY sin Dagelta kinnihiyya a mara baaxok siinih mayayyaaqa. Takkay immay ta mari edde raddoonu waytan oflo siinil akkelon. Keetalat yoogoren numih xiiroonuh daleh inna siinil akkelon. Intih addat rade keenah gide siinil akkelon. A niqmatah tan baaxoy YALLI siinih yeceehiyyah inki num cabba haytaanam fan tamah siinit akkuk sugele.

Makaabon 18:30

Taaxige ceeloy lakqok bicseenihiyya yaqbudeeni'gidih soolisen. Muusak baxi baxah yen Gersóm-Yonaatan deqsita num Daan marih seekih yeneeh; usuk rabek wadir kaak rade mari, Daan mara marin baaxo seewah beyya haanam fanah ken seekah sugen.