2 Malikwa 17:20 - NABUWWA KEE MALIKWA

²⁰ Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 17:20 ပူးပေါင်းရင်းမြစ်များ

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

2 Malikwa 13:3

Tohuk gexxaamah, YALLI Israayil yinqibeeh; Suuriyah malik Cadayel kee kay baxay Banihadad deqsite keenit ruube. Too qaskar Israayil marak mango adda teyse.

2 Malikwa 13:7

Yowaahad qaskarak raqtem dibuk kontom qaskariitay faras amok qeebi aba kee, tabna gaariy faaris beyahiyya kee ibi qaskarak tabna alfih numuk ten. Wohuk fulah raqtem Suuriyah malik keenik selli heeh, keenit ballaaqet akah yaaqiten innah aaqatuk suge.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 17:15

Tu xiqe sinni xeet kee cooxuy gabak bicseenihiyya yaqbudeeniih, isinnih kaadu tu xiqe sinni mara yekken. YALLI keenih kale aylahut baaqid luk manannoonuy; usuk keenil oobise amri cineeniih, ken kaxxa abbobti lih hee bica xaguroonu cineenih. Toh cabba heenih ken dariifal tan baaxooxah maray YALLI «Oson abeenim maabina» keenik akak iyyehiyya abaanam baahen. YALLI aba iyyem cineenih.

2 Malikwa 17:18

Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 18:9

Ciskiyyaahu reedeemih fereyhaytô-sanat yekkeeh; Malik-Hosiqa Israayil reedeemih kaadu malcinhaytô-sanat yekke saaku, Assuuriyah-malikiy Salmaneser deqsitahiyya Samaariyah-magaalat qeebi abeeh teetit maro hee.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 24:3

Tah YALLIH fayxih tekkeemiiy; YALLI, Manasse abe dambi kee, axcihiiy, tu baahe wee marat abe qidiyyak gexxaamah, YALLI Yuudâ-mara isi garik xiiriyeh. YALLI, Manasseh too dambi macabinna.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Yasaqya 45:25

Yoo YALLI, Israayil ummat wadu waa Dagelta kinniyo. Tohuk gexxaamah too mari yoo faylisele» 'yaanam iyye.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 6:30

Yoo YALLI a mara cineemih sabbatah, ‹Tu xiqe wayta lakqo› deqsitelon» iyye.

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Hosiqa 1:6

Goomar qagisak teedeqeeh baxá xalte. Too saaku YALLI kaadu Hosiqak iyyeemih, «Tama awkák migaaqah Racmat-Wayti inxic. Macaay intek, Israayil marah tahaysa maracmata. Qafu kaadu keenih maaba.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Yoonas 1:10

Sarrak akak kudam YALLA kinnim keenih warse. Too waqdi baddi mari kaxxam wariggitak hagga iyyeenih kaak iyyeemih, «Atu abtem umaamaay abaanam hinna» kaak iyyen.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Yoosuwa 23:13

tonnal YALLAY sin Dagelta kinnihiyya a mara baaxok siinih mayayyaaqa. Takkay immay ta mari edde raddoonu waytan oflo siinil akkelon. Keetalat yoogoren numih xiiroonuh daleh inna siinil akkelon. Intih addat rade keenah gide siinil akkelon. A niqmatah tan baaxoy YALLI siinih yeceehiyyah inki num cabba haytaanam fan tamah siinit akkuk sugele.

Makaabon 18:30

Taaxige ceeloy lakqok bicseenihiyya yaqbudeeni'gidih soolisen. Muusak baxi baxah yen Gersóm-Yonaatan deqsita num Daan marih seekih yeneeh; usuk rabek wadir kaak rade mari, Daan mara marin baaxo seewah beyya haanam fanah ken seekah sugen.

Makaabon 2:14

Toh keenik yuble waqdi, YALLI bagcarriteeh; umeynit buxaaxi keenik akah bubta'nnah abe. Dariifal keenik sugga 'te naqboytit caylah keenik yiysiiseh. Naqboytiitit koysitoonu yeffereenih.

1 Samuwel 15:23

Kay amri cinaanam baab-abittol yaamineenimih gide dambik le. Kaxxa-mariinoh, YALLA cabba heenih xeet kee cooxuk bicsen duyyeeya yaqbudeenimih gide dambik le. Tonnal atu YALLA cinteeh, YALLI kaadu Israayil ummatih amoytiinu koh cineh» kaak iyye.

1 Samuwel 15:26

Samuwel kaal gacseemih, «Ko'lih maaduura. Atu YALLIH amri cinteeh; YALLI tahaysa Israayil marih amoytiinu kok kaleh» kaak iyye.

1 Samuwel 16:1

YALLI Samuwelik annah iyye. «Anu ahak wadir malik yakkem kaak mafaxak, atu Saawuluh akah qaaddam macaay? Away caxâ-xaylok bicsen *saliid (zeyti) gabat haay Beetlacam deqsitta magaalal yan Yiisa deqsita numih buxa gex. Kay xaylok tiik teena malik abuh dooreh an» kaak iyye.