2 Malikwa 17:19 - NABUWWA KEE MALIKWA

¹⁹ Tohuh, Yuudâ-mari kaadu YALLAY ken Dageltah yanihiyyah amri moggolinnoonuy, Israayil-mari abak sugem aben.

2 Malikwa 17:19 ပူးပေါင်းရင်းမြစ်များ

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 17:8

Israayil-mari, woo-baaxol-keenik-duma-suge-maray YALLI ken taagah baaxok yeyyeeqehiyya abak suge dambi abeeniih; tohuk kalah kaadu, kulli malik keenik abak suge uma taama kataaten.

2 Malikwa 18:6

Usuk YALLAL baguuk aaminuk yeneeh; kaak maxxeerinna. YALLI Muusal oobise xinto intam abak yen.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Malikwa 8:18

Kay barra Acab baxák ten. Usuk Acab buxah marak kaxxih, Israayil malikwa kataatak sugte uma gita kataatak suge. YALLAL dambi lem baahak suge.

2 Malikwa 8:27

Acadya kee Malik-Acab xalak ballisih yeneemiih; tonna-leemik Acab buxah mari akah abak suge innah, Malik-Acadya kaadu uma gita kataatak sugeh, YALLAL dambi lem baahe.

2 Aydaad 17:4

Kay abba aqbuduk suge Dageltah qibaada abeeh, Yallih amri iyyam abak yen. Israayil malikwa Yallih gitak tewqeh sugte'mmay, usuk ken innah mawqinna.

2 Aydaad 21:11

Yuudâ-rasuk fayya le baaxol, Yalla maleela xeet kee coox elle taqbude arooca bicse. Yuuda kee Yarusalaam magaalah ummat, Yallih garil dambik keenil loowintu waytaamat asise.

2 Aydaad 21:13

Ken gita cabba hayteh, Israayil malikwa abak tenem abta. Yuuda kee Yarusalaam magaalah mara Yallak teyxeereh. Malik Acab kee kay lakal malikwa yekke mari Israayil mara Yallak akah yeyxeeren innal, atu Yuuda kee Yarusalaam mara Yallak teyxeereh. Tohut macabinnitoy ku toobokoy kok aysuk tenehiyya qidde.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Yacedkel 23:31

Isi maqanxah raat katatteeh; tonna-leemiik too teetih ecee digaalah-kobbayyay is akak tooqobek koo afqeyyo» iyye.

Qaamus 2:4

Kaadu qagissa heeh iyyemii, «Aham YALLI iyyaama. Yuudah yooboke mari fiiruk geerah dambi le taama abeenih; tohuk gexxaamah ken digaaleyyom digga le. Yoo YALLI, aba keenik exceemit maqal haysite cineeniih, yi amriy aba keenik excehiyyal anqaasah haysiten. Oson akak raden ken kaxxa abbobti aqbuduk sugte duyyey xeet kee cooxuk bicseenihiyyah qibaadat gacen. Tohuk gexxaamah makot gexa mara yekken.