2 Malikwa 17:18 - NABUWWA KEE MALIKWA

¹⁸ Tohuk gexxaamah YALLI Israayil-mara yinqibeeh isi garik ken xiiriyeh. Keenik raqtem, dibuk Yuudâ-mara.

2 Malikwa 17:18 ပူးပေါင်းရင်းမြစ်များ

1 Malikwa 11:13

Tonna'mmay elle dardaara baaxo inkih kaak mabeya. Usuk amol akak dardaaru waa inki kedo kaah cabeyyo. Toh akah abu waam, Dawuduy yi naqasuh yenehiyya kee Yarusalaam magaalay innim abehiyyah taaga» 'yaanam iyye.

1 Malikwa 11:32

Sarrak kaadu qagissa heeh, kaak iyyeemih, «Yalli iyyemii, ‹Dawuduy yi naqasuh yenehiyya kee, Yarusalaam magaalay inkih tan Israayil addak inni magaala abehiyyah taagah, Suleemanah inki kedo cabeyyo.

1 Malikwa 11:36

Yoo elle yaqbudoonuh anu innih doore Yarusalaam magaalal, sarrî dabaanal Dawud ramadak numuk teeni abba yakke'gidih, Suleeman baxah inki kedo cabeyyo.

1 Malikwa 12:20

Israayil mari Yarobqam Masrik yuduurem yoobben waqdi, elle kobxeenih sugen arac fan yamaate'gidih, kaah seeceeniih; tokke yemeete waqdi malik kaa aben. Yuudah yooboke mari dibuk Dawuduk rade marih gubat raaqe.

1 Malikwa 8:46

«Dambit ase waa num mayanaay; tohih sabbatah ku mari dambi lem kol baahen ken tekkeeh, tohuk gexxaamah ku naqbi keenil oobeeh, naqboytit gabal ken hayte koo tekkeh, woo naqboytit xer baaxo takkuu, xayi baaxo takku, seewah ken been ken tekkek,

2 Malikwa 13:23

Takkay immay YALLI kaxxam keenih racmatak sugeemih sabbatah, bayi ken mahanna. Abraahim kee Iscaak kee Yaqkuubuh cule xaganih sabbatah ken catak suge. YALLI, a saaku fanah, isi marat darre macabinna.

2 Malikwa 21:14

Tahak raaqu waa marat darre cabeyyo; naqboytit gabal ken heeyyo. Woo mariiy qeebil keenik ayseleeh; yeddereenim keenik buubelon.

2 Malikwa 23:27

Tohuk gexxaamah YALLI iyyeemih, «Duma Israayil-marak abba heem Yuudâ-marak abeyyo. Yuudâ-mara inni foocak kaleyyo. Yarusalaam-magaalay inni magaala akak exceh suge kee, Qibaadâ-Qariy yoo elle yaqbudoonuh doore excehiyya yim hinna» 'yaanam iyye.

2 Malikwa 24:3

Tah YALLIH fayxih tekkeemiiy; YALLI, Manasse abe dambi kee, axcihiiy, tu baahe wee marat abe qidiyyak gexxaamah, YALLI Yuudâ-mara isi garik xiiriyeh. YALLI, Manasseh too dambi macabinna.

Ermiyaas 15:1

Tohuk lakal YALLI yok iyyeemih, «Muusa kee Samuwel akkel yi foocal solla 'yeenih ken qaadah yoo kallacaanamah, a marih tiya keenik oggolak mananniyo. Away yi foocak wonnah ken rub; wonnah yok gexa keenik inxic.

Ermiyaas 52:3

Tohih sabbatah Yarusalaam kee Yuudâ maral YALLI naqbi oobeeh; ellecabol YALLI Yarusalaam kee Yuudâ rasih mara isi garik xiiriye. Sarrak Xidkiya Baabelon-malik lih wiileh.

Ermiyaas 7:15

Duma Efrayimih yooboke maray sin toobokoh yanihiyyak akah abe'nnah, inni foocak sin kaleyyo. Tahat yabtam yoo YALLA kinni» 'yaanam siinik iyye.

Hosiqa 11:12

YALLI kaadu iyyeemih, «Israayil ummat dirab kee ayra yol tecee. Yuudâ mari yi yaabih cinat yanih; yooy digga leeh taahirik yan Dageltah yani cineenih.

Hosiqa 12:3

Oson akak raden ken kaxxa abba Yaqkuub bagut yan saaku, isi toobokoyta Qiisoy inâ bagut gangaytuh kaa'lih yanihiyya dibqi yibbixeh kaa'lih yoome. Yenbe saaku kaadu Yalla lih yingiicille.

Hosiqa 9:3

Israayil mari a YALLIH rasul maraaqay, ahak sarra Masri fanah aduurelon. Assuuriyal caraamak tan maaqoh gacelon.

Yoosuwa 23:13

tonnal YALLAY sin Dagelta kinnihiyya a mara baaxok siinih mayayyaaqa. Takkay immay ta mari edde raddoonu waytan oflo siinil akkelon. Keetalat yoogoren numih xiiroonuh daleh inna siinil akkelon. Intih addat rade keenah gide siinil akkelon. A niqmatah tan baaxoy YALLI siinih yeceehiyyah inki num cabba haytaanam fan tamah siinit akkuk sugele.

Yoosuwa 23:15

Takkay immay YALLAY sin Dagelta kinnihiyya too xagana akah culla 'yem tiya-tiyah siinih elle duuduse innal, tonnah kaadu, kay yab cinna hayteenik, siinil baaheyyo iyye umaanek tu cabe'kal siinil baahelem ixiga. A baaxok bayetton.

Makaabon 18:30

Taaxige ceeloy lakqok bicseenihiyya yaqbudeeni'gidih soolisen. Muusak baxi baxah yen Gersóm-Yonaatan deqsita num Daan marih seekih yeneeh; usuk rabek wadir kaak rade mari, Daan mara marin baaxo seewah beyya haanam fanah ken seekah sugen.