2 Malikwa 17:17 - NABUWWA KEE MALIKWA

¹⁷ Too duyyey yaqbudeenihiyyah isinni xaylok labim kee sayim girat sadgatah qidaanam baahen. Kalluwalle kee ramli qida maral fayu esseren. YALLIH garil dambik loowintaamat aseeniih, YALLAT naqabu ugsen.

2 Malikwa 17:17 ပူးပေါင်းရင်းမြစ်များ

1 Malikwa 14:15

YALLI Israayil digaalele. Israayil mari dori-qaxal tooboke bayrey caacay kabuk kabul yasgayyeh innah gacelon. Duma ken kaxxa abbobtih ikoytah yecee baaxoy away elle yaniinihiyyak ken ayyaaqele. Fuurat weeqaytuk woo kabul ken fixixisele. Toh keenik akah abu waam macaay intek, YALLAT naqabu culseeniih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 21:20

Acab, Eliyyas yuble waqdi, «Yi naqboytaw, yoo matarte!» kaak iyye. Eliyyas too waqdi kaal gacsemii, «Koo matreh anih; atu inkitanuuk YALLI niqbaamat asa num tekke.

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

2 Malikwa 16:3

Duma sugte Israayil amoytiitik kaxxih, Yalli niqbam abak suge. Ayrok teena Acad girat isi baxa sadgatah qide. Usuk woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih-tan qaadah gabbaaqiyyak ten.

2 Malikwa 17:11

Too duyyeeyah qibaadah aroocal qaydarus qeerisak, keenik duma wokkel suge maray YALLI woo baaxok yeyyeeqehiyyah raat kataaten. Kaxxam uma umaanet aseenih, YALLAT naqabu culseeniih,

2 Malikwa 17:31

Qiwwak yemeete mari Nibcad kee Tartak akak iyyan duyyey yallah loonuh ceelo haysiten. Safarwayimik yemeete mari Adrammelek kee Qanammelek deqsittaamay yalla axcuk elle yaamineenih isinni xaylo sadgatah qideeniih cado akak solal carrisen.

2 Malikwa 21:6

Girat isi baxa sadgatah qide. Ramli-qidiyya kee sicri taamah haysiteeh; ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

2 Aydaad 28:3

Hinnom deqsitta golol gabat bicsen duyyeh qaydarus qeerisak suge. Kaadu girat isi xaylo sadgatah qide. Woh akah abem, Israayil-mari yamaateemik naharal woo baaxol suge maray YALLI yeyyeeqehiyyak raaqisen umâ-yabulih tan qaadah gabbaaqiyyak ten.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Yasaqya 50:1

YALLI iyyamaa, «Num gennaaqô-barra cabah elle xiiriya innal, sin maxiiriyinniyo. Sin xiiriyem teexegeenik, sin elle xiiriye sumaq-warkat baaha. Keenit tan magoh sabbatah isi xaylo xaama marih innah, sinaamal sin xaamem maay takkalen? Tonna hinna'mmay, sin akah xaamem, isinnih abten dambi. Ina siinik akah xiiriyem, edde assen umaane.

Yasaqya 8:19

Takkay immay sahda, «Ramli qida mara kee kalluwalley tutuc intak xaagu aba» siinik intu wayta waqdi, isin, «Xaagu kalluwallek abtaanamak, Yallak macah abe waytan? Yan marih xaagu rabe marih roocik macah abtan?» 'yaanam keenik axcetton.

Ermiyaas 19:5

Baqal akak iyyaanamay taqbudeenihiyyah isinni lab-xaylo sadgatah elle qiddan arooca bicissen. Too aroocak bagul isinni xaylo sadgata axcuk nuwwih girat carrissan. Annah taniimit asettoonum way makkalinniyooy, way kaadu aba siinik excem hinna. Inkinnah afak edde yaabem hinna.

Ermiyaas 25:7

«YALLI, ‹Yi yab cinteeniih, duyye qibaadat gacteenimih sabbatah, yi bagcarra sin maadde; yi naqabu isinnih isinnil oobissen› 'yaanam siinik iyye» keenik iyye.

Ermiyaas 27:9

Tonna leemiik, ama nabuwwa kinnino iyya maray isin nabuwwah litoonuhiyya kee, sarra takku waytam soonoh nuble iyya mara kee, ginnili kee kalluwalle kee ramli-qida siinik intam maabbina. Baabelon malikih gubat magacina siinik iyyaana'mmay, toh moggolina.

Ermiyaas 7:31

Isinni xaylok say-urru kee lab-urru sadgatah amol akak carrisaana'gidih, Hinnom Golo deqsitta goloh addal, Toofet deqsita arac bicsen. Aham anu amrisem hinna; yi afqado kaadu inkinnah oggoltam hinna.

Yacedkel 16:21

yi xaylo beyya hayteh, xeet kee cooxuk bicsen duyyey taqbudeenihiyyah sadgatah tusguude.

Yacedkel 20:26

Isinni xaylok naharsi-xaylo, umâ-yabulih xeet kee cooxuk bicsen duyyeh qibaadah arac sadgatah baahah ken abalih, yanoonay ken axcuk suge. Toh keenik akah abak sugem, abeenimik xagar keenik wacarriya'gidiiy ken Dagelta dibuk yoo kinnim yaaxigeeni'gidi.

Yacedkel 20:31

A saaku kinni way too duma sin abbobti akah abak sugga 'te innah, too bis le sadgat abtaanaah, keenik kaxxih isinni xaylo sadgatah girat carrissan. Tonnal isinni nabsi nadaasa abtan. Tannah tanim abba hayteenik sarra, wadir yi fayuh esseroh yol tamaaten. Waara YALLAY Mulki lehiyya kinniyooh inni migaaqal xiibita'mmay, tahak wadir tu yoo esseri sin maha.

Yacedkel 23:37

Ama namma kacbat biili yan. Dalwa lih abeenim, xeet kee cooxuk bicsen duyyeey; qiddeenim, yoh xalen xaylo. Yoh xalen lab-xaylo xeet kee cooxuk bicsen duyyeh bagul sadgatah qiden.

Yacedkel 23:39

Xeet kee cooxuk bicsen duyyeh sadgatah yi xaylo qidda heenik sarra, yi qariy yoo elle yaqbudeenihiyya yemeeteeniih, nadaasa aben. Yi qaril toh aben.

Miika 5:12

Ama sicrih xagarat liton duyye siinik kaleyyo. Sarra takku waytam warissa kalluwalle kee ginnili siinik bayseyyo» iyye.