2 Malikwa 17:10 - NABUWWA KEE MALIKWA

¹⁰ Kulli koomay fayya lehiyyah amo kee kulli caxah gubal, xeetik bicsen qamidway taahirik tan akak iyyaanahiyya kee, Aseera deqsittaamay yaqbudeenihiyyah astah heenih sugen gurumuuda soolisen.

2 Malikwa 17:10 ပူးပေါင်းရင်းမြစ်များ

1 Malikwa 14:23

Kulli qaleh amo kee silal le cooxih gubal, duyye elle yaqbuden arooca xiseeniih, taahirik tan qamidwa akak iyyan qamidway xeetik bicseenihiyya sooliseenih, Aseera deqsittaamay yaqbudeenihiyyah astah heenih sugen gurumuuda soolisen.

2 Malikwa 16:4

Diini maleela qibaada elle abta aroocakaa, koomaamih amo takku, silal le cooxih guba takku, too aroocal Acad sadgatah saq elle qidaah, qaydarus elle qeerisak suge.

2 Malikwa 17:11

Too duyyeeyah qibaadah aroocal qaydarus qeerisak, keenik duma wokkel suge maray YALLI woo baaxok yeyyeeqehiyyah raat kataaten. Kaxxam uma umaanet aseenih, YALLAT naqabu culseeniih,

Yasaqya 2:8

Ken baaxol xeet kee cooxuk bicsen duyyeeyay yaqbudeeni kibuk tan. Too duyyey isinni gabak bicseenihiyya yaqbudeenih, gabat oren duyyeh gomboh radan.

Yasaqya 57:5

Kaxxa cooxih gubay yalla akak intan duyye elle taqbudeenihiyyal, mango dalwa abtaanaah; xixxaqak tan gablooli kee goloolah addal, isinni xaylo sadgatah qiddan.

Ermiyaas 3:6

Ermiyaas kaadu qagteh keenik iyyeemih, «Yoosiyaahu malikih yen saaku YALLI yok iyyemii, ‹Imaan maleelah yan Israayil mari abem tublem hinna? Yoo cabba heenih, qaleeli amo kee silal le cooxih gubal, xiiqareh-xiina abe wayta uma taama aben.

Yacedkel 20:28

Duma ken abbobtih cule xagana duudusa'gidih, woo ikoytah keenih aceeyyo exce baaxo fan ken bee. Takkay immay too baaxol qale able kee ayyuufa le caxa yablen waqdi, tokkel sadgat abaanam baahen. Qaydarus qeeriseeniih, qinabak bicsen kamri kaadu woo aroocal sadgatah baahen. Tonnah abak bagcarra yot culsen.

Miika 5:14

Aseera deqsittaamay yaqbudeenihiyyah astah heenih sugen gurumuuda ragidiik siibeyyo. Magaalooli siinik bayseyyo.