2 Malikwa 16:18 - NABUWWA KEE MALIKWA

¹⁸ Tohuk kalah Assuuriyah malik kaak faxak sugeemih sabbatah, YALLIH Qibaadah-Qarih addal xisen iraawo-le-aracay sabti qiidih ayroh heeni wokkek kaleh. Tonnah kaadu YALLIH Qibaadah-Qarih afay malikwa dibuk qibaadah akak culta'gidih bicseenihiyya alfeh.

2 Malikwa 16:18 ပူးပေါင်းရင်းမြစ်များ

1 Malikwa 10:5

miizil heenih yanin kay maaqooy, kay doolat abbobti elle daffeyta gurraay, kay buxal kay taamat yan mari missal elle soola inna kee, kay taamah mari edde yan sartan tubleh. Usuk yakme way elle-yaaqube kobbaayiy-kaah-baaha-mari elle yani'nna kee, YALLIH Qibaadah-Qaril abah yan sadgataay; tah inkih tuble waqdi qagabsitteh hagga-inte.

2 Malikwa 11:5

Sarrak aba keenik iyyemii, «Sabti ayro taamah tamaaten waqdi, sidochaytô-gaba siinik malik-qari dacrisak sugtaama.

2 Malikwa 16:17

Acad kaadu YALLIH Qibaadah-Qaril ten nacaasak bicsen gaariirak galdaddaqin nacaas kaleeh, woo gaariirah amol sugte sacnitte wokkek kaleh. Tonnah kaadu, taban kee namma awur ceeloy nacaasak bicseenihiyyah amol yen kaxxa tanakay nacaasak bicseeni wokkek kalla heeh, xaak bicsen rakiiboh amol hee.

2 Malikwa 16:19

Wohuk kalah taniimiy Acad abba heehiyya Yuudâ-Malikwah-Aydaada deqsita kitaabih addal tan.

1 Aydaad 9:18

Sallum a saaku fanah, Malik Afa deqsitak ten Culmay ayrô-mawqa le kabul geytimtahiyyat dacayrih yan. Dumah yan dabaanal oson akak raden mari, Leewih yooboke mari elle yinfiddige aroocat dacayrih suge marak ten.

Yacedkel 44:3

Takkay immay ummatak abba yi foocal taahirroysen-gaqambo yakme'gidih, wokkel daffeyu duudah. Culma akak culan naharsi goliik culmah afak culla bukka 'yam duudah» iyye.

Yacedkel 46:2

Baaxoh abba afa le kabut raaqa daaratak gacca 'yeh, adda le kabut raaqa daaratih culma akak culan naharsi golik culla iyyeh, sarra culmal tan qamidwa le kabuuk solla iyyay. Too waqdi cado akak cararisan sadgat kee amaanah xiinaanamih astah baahe sadgat, sek kay aftok cararisaama. Sarrak too culmah garil dooqa abba heeh yawqeemi. Ayrô-mawqa le kabut raqta culma bari tikka 'yam fanah alfe woonay.