2 Malikwa 16:15 - NABUWWA KEE MALIKWA

¹⁵ Tohuk gaba kalla hee waqdi, sek Uriyyak iyyeemiih, «Yi kaxxa sadgatih aracal, saaku saaku cado akak carrisan saq qida; carra carra sadgatah baahan daro cararisa. Kaadu malik kee ummat sadgatah bahta daro kee, saqay cado akak cararisaanahiyya kee, ummat bahta qinabak bicsen kamrih sadgat elle ucuy. Sadgatah qidda haan saqih qabal bagul akak rif. Woo nacaasak bicsen sadgat-aracah tu gactek, Yalli yok faxam elle aaxige astah yoh hay» iyye.

2 Malikwa 16:15 ပူးပေါင်းရင်းမြစ်များ

1 Malikwa 3:4

Sahda kaxxam tassakaxxem, Gibqon magaalal fayya le aracal yen sadgat-araca. Suleeman gexeh, tokkel sadgat abe. Too sadgatih aracal Suleeman saqak alfi takkem cado-akak-carrisan-sadgatah qidak yen.

1 Malikwa 7:23

Curam kaadu nacaasak sacni gurral yan kaxxa tanak bicse. Too tanakak adda koona cusul akkuk ten. A kabu kee woo kabuk fidnah tabna cusul akkuk ten. Soddom cusul kaadu inkih yan tattab kaak akkuk yen.

1 Malikwa 8:64

Too ayroh addat Qibaadâ-Qarih daaratih addal, hununuh Qibaadâ-Qarih foocat raqta fanti exxa Yallih taamah taahirroyseh. Tokkel cado akak inkih cararisu waa saq yusguudeh, sadgatah daro baahe. Kaadu amaanah xiinaanamih astah aban sadgatak xayta cararise. Too sadgat woo aracal akah abem, sadgatah qidan saq elle yasguudeeni'gidih, nacaasak bicsen mansaf a axxul le sadgat bagul akak abaanah gide nabnah akkuk mananna.

2 Malikwa 16:14

Dumaak YALLIH qibaadah qiden sadgatah heenih sugen aracay nacaasak bicseenihiyya, YALLIH Qibaadah-Qarik foocal, qusba sadgat arac kee Qibaadâ-Qarik fanal gace. Sarrak tokkek kalla heeh, isih xise qusba aracak kilbat le kabut hee.

2 Malikwa 16:16

Sek Uriyya toh, malik kaak aba elle inxicca 'ye innal, abe.

2 Malikwa 18:4

Qibaada elle abak sugen aroocay fayyat raqtahiyya bayseeh; taahirik tan qamidwa akak iyyan qamidway xeetik bicseenihiyya bututtukka heen. Aseera deqsittaamay yaqbudeenihiyyah astah heenih sugen gurumuuda yiggiggileh. Muusa nacaasak bicseh cabe abeesah-ceeloy migaaqah Nacustan akak iyyeenihiyya kaadu bututtukka hee. Too abeesah ceelo yaggileenimik duma, Israayil mari woo abeesah ceeloh assakaxxiyyah qerto akah ruubak sugen.

2 Malikwa 3:20

Woo ayrok nammayhaytoh ayro, kulli saaku sadgat elle aban waktil, Edom baaxoh kabuk darah gexxa lee temeeteeh baaxok bagu kibba hayte.

2 Aydaad 29:32

Awurwak malcina-tabanaay marwak booluuy illi-xaylok namma bool takkem cararisan sadgatah baahen.

2 Aydaad 29:35

Woo sadgatah baahan mango saq cararisaanam luk, seeka qinabak bicsen kamriy woo sadgat lih baahaanahiyya sadgat elle aban aracal caxaanam kee, amaanah xiinaanamih astah qidan sadgatah baahan saqih xayta carrisaanamih taama luk yenen. Tonnal abak Yallih Qibaadah-Qaril duma abak sugen qibaada nammeyhaak qimbisen.

2 Aydaad 33:6

Girat isi lab-xaylo sadgatah Hinnom-Goloh addal qide. Ramli qidiyya kee sicri taamah haysiteeh, ginnili kee kalluwallel takku-waytam essere. YALLAL kaxxa dambi lem baaheeh; YALLIH naqbi kay sabbatah lafitak lafte.

Yasaqya 2:6

Yallaw, Yaqkuubuk rade isi marak texxeereh. Oson ayrô-mawqa le kabul yan mara kee Filistiinih yooboke mari ken barse baab taamah haysiten. Isinni qaada cabba heenih marin qaadah tanim aben.

Daaniyel 11:31

Usuk ruube qaskar, megdeb kee Yallih Qibaadah-Qari culak, nadaasa abele. Kulli ayro aban sadgat abe ken kaleleeh, sadgat elle abak yenen aracal Kaxxam Umâ-Yabulih-Tanim elle heele.

Daaniyel 12:11

Kulli ayro acayuk sugen sadgat edde yeyseeden ayroy woo kaxxam umâ-yabulih tanim edde hoonu waanak, wadirih alfi kee namma bool kee sagla-tabanih ayro tatrele.

Daaniyel 9:21

Anu too dooqat an waqdi, Jibriiliy duma soonoh ublehiyya haadak anu elle ani'kke fan yemeete. Usuk yemeetem carri-barih sadgat edde aban waktik ten.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 4:12

Caxxak-kuren-exxa, Yallak tu keenih bahtam yakkalen. Caxxi oson faxaanam keenih warselem yakkalen. Ken Dagelta cabba heenih, kacoobuh lon kacanu kee, xeet kee cooxuk bicsen duyyet aban qibaada, makot ken beyte.