2 Malikwa 15:32 - NABUWWA KEE MALIKWA

³² Fekac Israayil-malik edde yekke nammayhaytô sanatal Quddiyya-baxi-Yootam Yuudâ-malik yekke.

2 Malikwa 15:32 ပူးပေါင်းရင်းမြစ်များ

2 Malikwa 14:21

Tohuk lakal Yuudâ-mari kay baxay migaaqah Quddiyya deqsitak yeneeh karmak taban kee leceeyit yenehiyya malikih heen.

2 Malikwa 15:1

Yahoqás-Yarobqam Israayil-malik edde yekke labaatanna kee malcinhaytô sanatat, Amaxyâ-baxi-Quddiyya Yuudâ-malik yekke.

2 Malikwa 15:13

Quddiyya Yuudak malik edde yekke soddom kee sagalhaytô liggidat, Yaabes-baxi-Sallum Israayil-malik yekke. Samaariyah-magaalal inki alsa malikih suge.

2 Malikwa 15:17

Quddiyya Yuudak malik edde yekke soddom kee sagalhaytô sanatat, Gaddi-baxi-Manacem Israayil-malik yekke. Usuk Samaariyah magaalal tabna sanat malikih suge.

2 Malikwa 15:23

Quddiyya Yuudak malik edde yekke kontomhaytô sanatat, Manacem-baxi-Fekacya Israayil-malik yekke. Sarrak Samaariyal namma sanat malikih suge.

2 Malikwa 15:27

Quddiyya Yuudak malik yekkeemih kontom kee nammeyhaytô sanat gufe saaku, Fekac Israayil-malik yekke. Sarrak Samaariyal labaatanni liggida malikih suge.

2 Malikwa 15:30

Quddiyya-baxi-Yootam Yuudak malik edde yekke labaatanhaytô sanatat, Eela-baxi-Hosiqa, Fekac qidaamal malse. Sarrak kaa qideeh; kaa qidek lakal kay aracal isih malik yekke.

2 Malikwa 15:31

Wohuk kalah taniimiy Fekac abba hee inkih Israayil-Malikwah-Aydaada deqsita kitaabih addal tan.

2 Malikwa 15:33

Yootam too saaku labaatanna kee koona karmat suge. Usuk Yarusalaamal taban kee laca sanatah malikih suge. Kay ina Yaruusa deqsitta barrak teneeh; tet abba Saaduk deqsitak yen.

2 Malikwa 15:5

YALLI kaxxam gibdi dalkay arab takmehiyya Quddiyyal ruubeeh; too dalka rabba 'yam fan kaa'lih sugte. Too dalka kaa tibbixeemih, sinaamak baxsimeh dibuk yan qarit yeneeh; kay baxaay Yootam deqsitahiyya kay aftok baaxo xiinisak yen.

2 Malikwa 15:7

Quddiyya rabe saaku, Dawud-Magaalal malik buxah mara edde yaaguqen aracat kaa yoogoqen. Kay lakal kay baxi-Yootam malik yekke.

1 Aydaad 3:12

Yooqas Amaxya xaleeh, Amaxya Quddiyya xaleeh, Quddiyya Yootam xaleeh,

1 Aydaad 5:17

A marih migooqa kitaabal elle tunkuttube wakti, Yootam Yuudâ-malikih yen daban kee Yarobqam Israayil-malikih yen dabaana.

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Miika 1:1

Yootam deqsita malikiiy Acad deqsita malik kee Ciskiyyaahu deqsita malik Yuudâ-rasul itta kataatak dardaaren saaku, YALLI Miika deqsita nabiy dabqih Moreset deqsitta magaalal yenehiyyal farmo ruube. YALLI too farmol Samaariya kee Yarusalaamat takku waytam kaa yuybullee.