2 Malikwa 15:29 - NABUWWA KEE MALIKWA

²⁹ Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 15:29 ပူးပေါင်းရင်းမြစ်များ

1 Malikwa 14:15

YALLI Israayil digaalele. Israayil mari dori-qaxal tooboke bayrey caacay kabuk kabul yasgayyeh innah gacelon. Duma ken kaxxa abbobtih ikoytah yecee baaxoy away elle yaniinihiyyak ken ayyaaqele. Fuurat weeqaytuk woo kabul ken fixixisele. Toh keenik akah abu waam macaay intek, YALLAT naqabu culseeniih, Aseera deqsittaamay yaqbudeenihiyyah astah heenih sugen gurumuuda soolisen.

1 Malikwa 15:20

Malik Banihadad too yab oggoleeh; sarrak Israayil magaalooli yabbixeeni'gidih, qaskar abbobti kee qaskar kaah ruube. Too qaskar Qiyon kee Daan kee Aabil-Beet-Maqka kee, Galiil badih dariifal ten magaalooli kee, Naftaali rakaakay inkih yibbixen.

1 Malikwa 9:11

Suur rasuk malikih yen Curam deqsita malik a taama edde aba'gidih, Suleemanah saagan coox kee sariidâ coox kee dahabak faxxa haah gide kaah yecee. A taama gaba kalte saaku, Suleeman wohih galtoh Galiil rasul tan labaatanni magaala kaah yecee.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:20

Manacem woo lakqo Israayil gaddaleelak gaaboyseeh, kulli numuluuy kontom garsi keenik hee. Manacem too lakqo kaah yecee waqdi, Assuuriyah-malik Israayil baaxo cabeh, isi baaxo fan yuduure.

2 Malikwa 15:28

Usuk kaadu YALLAL dambi lem baahak yen. Kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 15:30

Quddiyya-baxi-Yootam Yuudak malik edde yekke labaatanhaytô sanatat, Eela-baxi-Hosiqa, Fekac qidaamal malse. Sarrak kaa qideeh; kaa qidek lakal kay aracal isih malik yekke.

2 Malikwa 16:10

Tohuk lakal Malik Acad Damasko gexeeh, Tiglat-Fileeserit yongoorowe. Tokkel soolisen mansafay sadgat elle abaana yuble. Too waqdi sek Uriyya deqsita seekih farmo ruubeh, kaak iyyeemih, «Gexay hununuh tama'nnah yan sadgat elle yaceen arac bicisay sug» iyyeeh, isik naharat tohih ceelo kaal ruube.

2 Malikwa 16:7

Acad sarrak Assuuriyah malikih yen Tiglat-Fileeser fan farmo ruube. Iyyeemih, «Anu atu aba axcinnaanim abaah, ku amrih yan num kinniyo. Tonna'mmay ta saaku yoh amay, Suuriya kee Israayil qaskaray yoh gaaddahiyyak yoo cat» 'yaanam farmoh ruube.

2 Malikwa 17:20

Tonnal YALLI inkih yan Israayil mara yinqibeeh; ken digaaleh, ken naqboytiitiy racmatta sinnih gabal ken hee. Ellecabol isi garik ken xiiriyeh.

2 Malikwa 17:23

Sarrak ellecabol, isi nabuwwak akah inxicca 'ye innal, isi garik ken xiiriyeh. Tonna-leemiik Assuuriyah-baaxo ken yiskiliqeeh tokke fan seewah ken been. Ta saaku fanah tokkel yanin.

2 Malikwa 18:11

Assuuriyah-malik Israayil-mara Assuuriya fan seewah bee. Sarrak keenik tu takkem Calac magaalal nookiseeh, gersi mara keenik Cabor weeqaytih garil Goodan deqsita rakaakayal nookise. Wohuk raqtem kaadu Meediya deqsita marih-magaaloolil nookise.

2 Malikwa 19:11

Assuuriyah-malikwa mango doolatwal bahtem toobbe koo. Too-doolatwa inkitanuuk baysen. Kot kaadu toh akkelem maagamin.

2 Malikwa 8:11

Sarrak Eliisaq, kaa wacarroysam fanah intit foocak adda kaak wagitak suggu 'yek lakal, weeqah hayya hee.

1 Aydaad 5:26

Tonna leemiik Israayil doore Dagelti, Assuuriya deqsitta baaxoh malikiy Ful deqsitahiyyat ken baysaamih fayxi hee. Woo malik kaadu Tiglat-Fileeser deqsita migaaqal amixxiguk yen. Too waqdi Ruuben-kedo kee Gaad kedoh yooboke mara kee Manassê-kedoh yooboke marak garab seewah beenih, Calac kee Cabor kee Haara kee Goodan deqsita weeqayti garil tan baaxol ken gacsen. A saaku fanah tokkel yanin.

1 Aydaad 5:6

Baqalaay Beera xale. Beeraay Ruubenik rade marak saqalah yen numuuy; Tiglat-Fileeser deqsita numuy Assuuriyak malikih yenehiyya seewah kaa bee.

2 Aydaad 16:4

Malik Banihadad too farmo kaak oggoleeh, sarrak Israayil magaalooli yabbixeeni'gidih, qaskar abbobti kee qaskar ruube. Too qaskar Qiyon kee Daan kee Aabil-Beet-Maqka deqsitta magaalooli kee, inkih tan Naftaalih kedoh magaalooliy leek maaqo akak inxicca 'yaanam daanah elle sugtehiyya yibbixen.

Nacmiya 9:32

«Yallaw, ni Dageltaw, nabna lem koo. Qande leeh hayba lem koo. Amurruqe sinni kacanu le Dagelta kinnitok, abeyyo inteh xagana akah cultem abtah. Nanu biyaakak geyneh gide neh ubuley. Assuuriyah malikwa xukkot nee abbaxuk ten dabaanaay akke fanah, kaxxa biyaakah biyaakinne. Ni malikwa kee ni miracwaay, nabuwwa kee seekaay ni kaxxa abbobti kee ni ummatta inkih biyaakitteh. Tonnal hay, nanu biyaakak geyneh gide neh ubuley!

Yasaqya 1:7

Elle sugtan baaxo siinik baateeh, magaalooli siinik cararteh. Isin abalih, marin mari tubqureenim baysaah, baaxo siinik abur aban.

Yasaqya 37:18

YALLAW, Assuuriyah-amoytitte nummah baadal tan doolatwa bayisseeh; ken baaxooxa abur abeenih caben.

Yasaqya 7:16

Woo ayro tamaateemik naharat, woo uma'nnah sin meysiisa namma malikih baaxo sinaamak foyyah raaqele.

Yasaqya 7:20

«Toh takku wayta saaku YALLI, xagor sinaamak moola Assuuriyah malik, Furaat weeqaytuk woo kabuk siinit ruubele. Too num deben kee amô-xagor kee xagaral yan xagor inkih siinik moolele.

Yacedkel 23:9

Tonna-leemiik, anu is kicinuk ten Assuuriyah marih gabal tet hee.

Qaamus 1:13

Qaamus kaadu qagissa heeh iyyemii, «Aham YALLI iyyaama. ‹Qammonuh yooboke mari fiiruk geerah dambi le taama abeenih; tohuk gexxaamah ken digaaleyyom digga le. Carbit Gilqad baaxo abbixenno 'yaanam niyal haak, soonibih yan agabuk bagut tan xaylo yeyyeeqen.

Qaamus 1:3

Qaamus iyyeemih, «Aham YALLI iyyaama. ‹Suuriyah mari fiiruk geerah dambi le taama abeenih; tohuk gexxaamah ken digaaleyyom digga le. Gilqad maral umaane baahak, nacrurta sinni xintot ken abbaxuk sugen.

Qaamus 5:27

Toh abtoonu waytaanam, Damaskok daga raqta baaxo sin askiliqu waa saaku. Ahat yabtam yoo YALLAY Nabaamak Naba Dagelta kinni› 'yaanam iyya» iyye.

Qaamus 6:14

Takkay immay YALLAY Nabaamak Naba Dagelta kinnihiyya isih iyyamaa, ‹Israayil ummatey, baaxo qeebit siinik yabbixeeni'gidih, marin marak qaduwwi siinit ruubeyyo. Too qaduwwi, Camat deqsita daabay gitah gacaanahiyyak xabba haanamaay Qarabâ-dora deqsitta'kkeh amma 'yaanam fan, baaxo xabba siinik heenih siinit xukkutelon› iyya» 'yaanam iyye.

Yoosuwa 11:1

Israayil mari qeebil gee iisa, malik Yaabin deqsita malikiy Caxor deqsitta magaalal yenehiyya yoobbe. Too waqdi malik Yobab deqsita malikiy Madon deqsitta magaalal yenehiyya kee, Simron kee Aksaf deqsitta magaaloolih malikwa kee,

Yoosuwa 11:10

Too saaku Caxor deqsitta magaalal yen malik, Caxor magaalah dariifal enna 'ta baaxol inkih ackamuk yen. Edde sugen carbik gaba kalla heen waqdi, Yoosuwa kee kay mara Caxor magaala yabbixeeni'gidih gexen. Magaala yibbixeeniih, teetil suge malik qideenih. Wokkel suggu 'ye marak num macabinnoonuy seefit selen. Magaala kaadu carriseenih.

Yoosuwa 11:13

Takkay immay woo fayya 'ta'kkel ten magaaloolik Caxor deqsitta magaalay Yoosuwa gira edde ruubehiyyak kalihim macarrisinnon.

Yoosuwa 12:19

Madon deqsitta magaalal yen malikiiy Caxor deqsitta magaalal yen malikiiy

Yoosuwa 16:6

tokkeek Maditraaniyah Badat yaadee. Kilbat le kabuk cuduuduh keenit qimbisam, Taanat-Siilo deqsitta magaalak ten. Tokkeek ayrô-mawqa le kabu fan gexak, Mikmata deqsitta magaala fanah makka 'yaah Kaana deqsita daqar katayak Maditraaniyah Badat idiyya 'ya. Ayrô-mawqa le kabuk cuduuduh keenit qimbisam, Mikmata deqsitta magaalak ten. Tokkeek Taanat-Siilo deqsitta magaala fanah makka 'yaah Yanowac kee Qataarot kee Naqra deqsitta magaalooli fanah yamaate. Tohuk wadir Yerikô magaala fan guffa haah Ordon weeqaytut yaadee. Too kabuk cuduud tokket keenik yaade. Taham Efrayim deqsitta kedoh yeceen baaxo. Tonnah kaadu Efrayimih yooboke marah Manasseh baaxot raqta magaalooli kee gaandoodii, Yoosuwa keenih yecee.

Yoosuwa 19:35

Gaso maroh edde tan magaaloolik keenih yeceenim, Xiddim kee Seer kee Cammat kee Rakkat kee Kinneret kee

Yoosuwa 19:37

Kedes kee Adraqi kee Qen-Caxor kee

Yoosuwa 20:7

Toh yoobbe waqdi, Israayil mari lica magaala dooren. A leceeyik sidoc Ordon weeqaytuk ayrô-culma le kabut raaqak yeneeh; aki sidoc ayrô-mawqa le kabut raaqak yen. Ayrô-culma le kabut dooreenim, Naftaali deqsitta kedoh qaleela le baaxok Galiil rasul ten magaalay Kedes deqsittahiyya kee, Efrayim kedoh qaleela mango aracal ten Seekem deqsitta magaala kee, Yuudâ-rasuk qaleela mango baaxol tan Kiryat-Arbaq deqsitta magaalay a saaku Cebron deqsitta. Ayrô-mawqa le kabut dooreenim, Ruuben kedo le baaxol tan Bexer deqsitta magaalay bacarih tan baaxol gudel tanihiyya kee, Gaad deqsitta kedo le baaxol tan Raamot magaalay Gilqad rasul tanihiyya kee, Manasse deqsitta kedo le baaxol tan Goolan deqsitta magaalay Basan rasul geytintahiyya.

Makaabon 18:30

Taaxige ceeloy lakqok bicseenihiyya yaqbudeeni'gidih soolisen. Muusak baxi baxah yen Gersóm-Yonaatan deqsita num Daan marih seekih yeneeh; usuk rabek wadir kaak rade mari, Daan mara marin baaxo seewah beyya haanam fanah ken seekah sugen.

Makaabon 4:2

Tohuk gexxaamah YALLI, Yaabin deqsita malikiy Kanqaanah yoobokehiyyay Caxor magaala xiinisak yenehiyyak carbil ken gacsiiseeh kay gabat ken yiysibixe. A malikih qaskarih abba, Sisra deqsita numuy Carooset-Goyim deqsitta magaalal guubuh yenehiyyak ten.