2 Malikwa 15:25 - NABUWWA KEE MALIKWA

²⁵ Ayrok teena Fekacya-qaskar-abbobtik numuk teenah yen Fekac deqsita num, kontom numuy Gilqad-rasuk temeetehiyya wakalih haysitta heeh, Fekacya Samaariyah addal malik qarik iqiyal edde rebsiman golik addal yan waqdi, amma 'yeenih, kaa kee gersi namma numuy Argob kee Ariye deqsittehiyya qiden. Tohuk lakal Fekac kay aracal isih malik yekke. Fekac Ramalyaahû-baxak ten.

2 Malikwa 15:25 ပူးပေါင်းရင်းမြစ်များ

1 Malikwa 16:18

Dimri, magaala yibbixeenim yuble waqdi, malik elle gaca qarik iqiyat edde rebsiman golit culeeh qarit gira ruube. Too girat carareh edde rabe.

1 Malikwa 16:9

Dimri deqsita numuy malik luk yen faras-gaariirak garabak abbah yenehiyya kaa qidaamih malat gace. Ayrok teena Eela, Tirxâ-magaalal Axxa deqsita numuy malik-qarih abbah yenehiyya'lih, woo numih qaril kamri-maqabat yiskirem kaak yuble waqdi,

2 Malikwa 15:10

Sarrak Yaabes-baxi-Sallum kaa elle qidu waa malah malseeh, ellecaboh sinam foocal kaa qide. Kaa qidek lakal kay aracal isih malikih gace.

2 Malikwa 15:24

Usuk kaadu YALLAL dambi lem baaheeh; kaak duma malikih suge Nabát-Yarobqamay Israayil mara dambi le abittot asisak sugehiyyah raatat gexe.

2 Malikwa 15:26

Wohuk kalah taniimiy Fekacya abba heehiyya inkih Israayil-Malikwah-Aydaada deqsita kitaabih addal tan.

2 Malikwa 15:27

Quddiyya Yuudak malik yekkeemih kontom kee nammeyhaytô sanat gufe saaku, Fekac Israayil-malik yekke. Sarrak Samaariyal labaatanni liggida malikih suge.

2 Malikwa 9:14

Tohuk lakal, Yaahu, Malik-Yooramay Yidraqel magaalal yenehiyyak abu waamal malse. Malik-Yooram, Raamot-rasul Cadayel deqsita Suuriyah-malik lih abe qeebit mudduumeeh; qaffoota'gidih Yidraqel fan gexeh yen. Yaahu is innah tan qaskar abbobtih tan labhak iyyemii, «Yi mara tekkeenik, Raamot magaalak num siinik awqe waay; Yidraqel magaalah marah garci num siinik kale waama» keenik iyye.

2 Malikwa 9:5

wokke gufe waqdi, qaskar-abbobti daffeyna hayteh kaah sugte. Too waqdi, «Qaskar abbaw, farmo koh baahe» iyye. Usuk toh iyye waqdi Yaahu, «Nek iyyah bahte?» iyye. Too waqdi, «Qaskar abbaw, koh baahe» iyye.

Yasaqya 7:1

Qudiyyâ-Yootam baxay Malik Acad deqsitahiyya Yuudâ-rasul malikih yen dabaanal carbi rade. Suuriyah malikih suge Raaxin kee Israayil malikih suge Ramalyaahû-Fekac Yarusalaam magaala tabbixem faxxe. Takkay immay yabbixoonu yeffereenih.