2 Malikwa 15:20 - NABUWWA KEE MALIKWA

²⁰ Manacem woo lakqo Israayil gaddaleelak gaaboyseeh, kulli numuluuy kontom garsi keenik hee. Manacem too lakqo kaah yecee waqdi, Assuuriyah-malik Israayil baaxo cabeh, isi baaxo fan yuduure.

2 Malikwa 15:20 ပူးပေါင်းရင်းမြစ်များ

2 Samuwel 19:32

Bardillay kaxxam bar naba numuk teneeh bacra-tabanih sanat luk suge. Kaadu kaxxa gaddalik teneeh, malik Macanaayim rasul yen saaku maaqo kaah baahak suge.

2 Malikwa 15:19

Migaaqah Tiglat-Fileeser deqsita numuy Assuuriyak malikih yenehiyya Israayil rasu warare. Manacem soddom kee affara alfih kiilo lakqok kaah yecee. Too lakqo kaah akah yeceem, woo malik cato kaah yakke'gidiiy, tonnah kaadu, kay abbootan diggoowaah, nagay cayla baaha'gidik ten.

2 Malikwa 15:21

Tohuk kalah taniimiy Manacem abehiyya inkih Israayil-Malikwah-Aydaada deqsita kitaabih addal tan.

2 Malikwa 15:29

Fekac malikih suge dabaanal, Assuuriyah malikiy migaaqah Tiglat-Fileeser deqsitahiyya Qiyon kee Aabil-Beet-Maqka kee Yanowac kee Kedes kee Caxor deqsitta magaalooli kee, tonnah kaadu, Gilqad kee Galiil kee Naftaali marih baaxo Israayilik raaqiseh. Woo baaxol suge mara Assuuriya fan seewah bee.

2 Malikwa 23:35

Sarrak Yahoyaakim Masri malik keenik igdiya iyye gabbarah kulli numuk leh gidel lakqo gaaboysek lakal, too gabbara Masri-malikih yecee.

Ruut 2:1

Noqmi-baqalah yen Alimelekih ramad le numuy migaaqah Booqas deqsitahiyya suge. Usuk gaddalih yan numuy sinam yab akak taabbehiyyak ten.