2 Malikwa 15:10 - NABUWWA KEE MALIKWA

¹⁰ Sarrak Yaabes-baxi-Sallum kaa elle qidu waa malah malseeh, ellecaboh sinam foocal kaa qide. Kaa qidek lakal kay aracal isih malikih gace.

2 Malikwa 15:10 ပူးပေါင်းရင်းမြစ်များ

1 Malikwa 15:28

Taham edde tekkem, Aasa Yuudâ-malik edde yekke sidochaytô sanatak ten. Sarrak Baqsa kay aracal isih malikih gace.

2 Malikwa 14:19

Yarusalaamal sahda Amaxya qidimil malisse. Toh yoobbe waqdi Amaxya woo magaala cabeh Laakis deqsitta magaala fan megloh gexe. Takkay immay rabah kaah malse mari lakat kaak gexeh kaa qide.

2 Malikwa 15:11

Wohuk kalah taniimiy Zakariyya abehiyya Israayil-Malikwah-Aydaada deqsita kitaabih addal tan.

2 Malikwa 15:14

Gaddi-baxi-Manacem, Tirxak Samaariya fan gexeeh; Sallum wokkel qideeh kay aracal malik yekke.

2 Malikwa 15:22

Usuk rabe saaku, kay baxi kay aracal malik yekke. Kay baxi migaaqah Fekacya deqsitak yen.

2 Malikwa 15:25

Ayrok teena Fekacya-qaskar-abbobtik numuk teenah yen Fekac deqsita num, kontom numuy Gilqad-rasuk temeetehiyya wakalih haysitta heeh, Fekacya Samaariyah addal malik qarik iqiyal edde rebsiman golik addal yan waqdi, amma 'yeenih, kaa kee gersi namma numuy Argob kee Ariye deqsittehiyya qiden. Tohuk lakal Fekac kay aracal isih malik yekke. Fekac Ramalyaahû-baxak ten.

2 Malikwa 15:30

Quddiyya-baxi-Yootam Yuudak malik edde yekke labaatanhaytô sanatat, Eela-baxi-Hosiqa, Fekac qidaamal malse. Sarrak kaa qideeh; kaa qidek lakal kay aracal isih malik yekke.

2 Malikwa 15:9

Kay kaxxa abbobtik kaxxih YALLAL dambi lem baaheeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataate.

2 Malikwa 9:24

Too waqdi Yaahu qandek leemiik gaysê-baxa darre le kabuk buucusut kaak hee. Woo gaysê-baxi afqadot kaak rade. Too waqdi Yooram isi gaarik bagul yinnikisseh edde rabe.

2 Malikwa 9:31

Yaahu gasoh afaak yemeete waqdi, «Biili baqalaw, duma Dimri akah qide innah biilu bahtehik, away maca wayta?» kaak inte.

Hosiqa 7:7

Abeenih yanin bagcarrah isinni abbobti qideenih. Isinni malikwak numuuy way keenik qideeni'mmay, num keenik cato yol messerinna» iyye.

Hosiqa 8:4

«Yi mari malikwa keenih yekke mara isinnih dooriteeni'mmay, woo dooro yoo maleh, isinni amok aben. Abbobti keenik yakku waa mara dooriteenih immay, woo dooro keenik moggoliminna. Buxal luk sugen qado lakqo kee dahabak, yalla axcuk yaqbuden duyye bicsen. Too duyye baati keenil baahele.

Qaamus 7:9

Israayil ummat qibaada elle abta aroocay taahirik tanihiyya addigillele. Iscaak durruyyatih qibaadah arooca abur akkele. Yarobqam kee kay dardaarinna inkitanuuk finqa abeyyo› 'yaanam yok iyye» iyye.