2 Malikwa 14:6 - NABUWWA KEE MALIKWA

⁶ Takkay immay Yallih xinto elle tan kitaabay Muusal obtehiyya elle inta innal, oson abeenimih ken xaylo maqidinna. Too xintol, «Abba baaheemih xaylo maqidinaay, xaylo bahteemih abbobti maqidina» 'yaanam tan. «Numul rabi elle yamaatem, dagaak num isih baahe umaane» 'yaanam tan.

2 Malikwa 14:6 ပူးပေါင်းရင်းမြစ်များ

Ermiyaas 31:30

Tahak wadir qeero lem yunxuqe numut qeero baahele. Kulli num isih abe umaaneh antixibbixele» 'yaanam iyye.

Yacedkel 18:20

Rabi akah yaguudem, dambit asa mara. Abba baxi baaheemih madiggalsimaay, baxi abba baaheemih madiggalsima. Meqem abite num meqem geyaah, umam abe numuh umam sugta.

Yacedkel 18:4

Kulli numih rooci edde yanim yi gaba. Xaleena kee xaylo rooci edde yanim, yi gabah adda. Dambit ase num isih raba» iyye.

Daaniyel 6:24

Tohuk lakal malik, «Baatil kaak malkite maraay ken agabuuy ken xaylo inkih, woo boodoy lubooka edde tanihiyyah addat qida» iyye. Woo boodot ken qiden waqdi, lubooka boodok iqiya gufe'kal kaqqa inteh xagaral keenik raddeeh, lafof keenik butuk butuk hayte.