2 Malikwa 14:3 - NABUWWA KEE MALIKWA

³ Amaxya YALLI kicna taamah taamitak yene'mmay, Yalli yeyyeeqe xinto kee amri, akak rade Dawud elle oggolak yen innal, moggolinna. Isi abba-Yooqas-raatat gexak suge.

2 Malikwa 14:3 ပူးပေါင်းရင်းမြစ်များ

1 Malikwa 11:4

Suleeman idoolite saaku, kay agbi YALLAY kay Dagelta kinnihiyyak kalah kaadu akiimiy Yallih innah yaqbudeeni ken lih yaqbudem kaal esseren. Tokkel usuk YALLAL luk suge imaanat sakki kaak cule. Kay abba Dawud elle suge gitak hoxxiimeh.

1 Malikwa 15:11

Aasa kay kaxxa abba Dawuduk kaxxih, YALLI kicnam abak yen.

1 Malikwa 15:3

Usuk isi-abba-edde-asak-suge-dambit kaak kaxxih aseh sugeeh, YALLAY kay Dagelta kinnihiyyah garil yeemene numuk mananna. Akak rade Dawud bis le numuk mananna.

1 Malikwa 3:3

Suleeman YALLA kicinuk yeneeh, isi-abbah-raat kataatak yen. Takkay immay too qibaada elle aban aroocay fayyat raqtahiyyal sadgatah saq qidak yeneh, qaydarus kaadu sadgatah qeerisak yen.

2 Malikwa 12:2

Malik-Yooqas, suggu 'yem fan, YALLI kicna taamah taamitak suge. Woh akah tekkem, sek-Yoyadaq aba kaak axcinnaanim abak yeneemih sabbatak ten.

2 Malikwa 14:2

Malik naharak yekke saaku labaatanna kee koona karmat yen. Sarrak Yarusalaam addal labaatanna kee sagla liggida malikih suge. Kay ina migaaqah Yahoqaddin deqsitak ten. Elle toobokem, Yarusalaam magaalak ten.

2 Malikwa 14:4

Tonna'mmay dumaak qibaada elle abak sugen aroocay fayyat raqtahiyya baateh manannaay; tonna-leemiik ummat woo aroocal sadgat abaanam kee qerto ruubaanam macabinnon.

2 Malikwa 18:3

Usuk isi kaxxa abba Malik Dawuduk kaxxih, YALLI kicna taamat asak yen.

2 Malikwa 22:2

Yoosiyaahu YALLI kicna taama abak yen. Isi kaxxa abba Dawuduk kaxxih, Yallih gita kataatak yeneeh, agaagul sinnim Yallih xinto intam abak yen.

2 Aydaad 24:17

Sek Yoyadaq rabek wadir Yuudah abbobti malikit culla 'teh, sekti gita hinna'mmay, isinni malah kaa heen.

2 Aydaad 24:2

Yooqas, sek Yoyadaq addunyal yanim fanah, YALLI kicna taamat asak suge.

Ermiyaas 16:19

Too waqdi anu excemii, «YALLAW, qande yot haytam koo. Umaanek reebu yoh takkem koo; gadaamak eleelitam koo. Baadal tan ummatta baaxô-maggaraqak koo fanah amaateleeh, ‹Ni kaxxa abbobti tu xiqe sinni xeet kee cooxuk bicsen duyyey yalla 'yeenih yaqbudeenihiyyak sah gabat midirih tu luk masuginnon.