2 Malikwa 14:25 - NABUWWA KEE MALIKWA

²⁵ Israayilik beenih sugen baaxok kilbat le kabut raqta Camat deqsita daabay gitah gacaanahiyyak xabba haanamaay Rabe-Badah amma 'yaanam tan baaxo inkih gacseh. Tonnah tanim akkelem, dumaak YALLAY Israayil doore Dagelta kinnihiyya isi naqasuh yan Amittay-baxa-nabi-Yoonasah warseh sugeeh; usuk kaadu ummatah warseh suge. Nabi-Yoonas Gat-Ceefar deqsita aracih numuk ten.

2 Malikwa 14:25 ပူးပေါင်းရင်းမြစ်များ

1 Malikwa 8:65

Qibaadâ-Qaril Suleeman kee inkih tan ummatta Iraawô-Dabih-Qiid deqsita qiidih YALLAY ni Dagelta kinni aynabukuuy africuk malcina ayro qiidih asen. Too qiidih gaaboowe mari kaxxam manguk yeneeh; Camat deqsitta daabak xabba haanamaay Masri cuduudul yan daqaarah amma 'yaanam baaxok inkih mango mari woo qiidih yemeete.

2 Malikwa 10:32

Too dabaanal YALLI Israayil-rasi akkuk sugeemik daggoyseh yen. Suuriyah malikih yen Cadayel, Israayil-baaxok Ordon weeqaytuk ayrô-mawqat sugte baaxoy Arnon weeqaytuk Qarooqer deqsitta magaala fan takkehiyya gabat raaqise. Tohumuu, Gilqad kee Basan deqsita rasuy Gaad kee Ruuben kee Manasse mari elle sugehiyyak ten.

2 Malikwa 13:25

Banihadad kee Israayil-malikih yen Yahoqas qeebi tittat abte saaku, Yahoqas qeebil Banihadadak yeyseh. Yahoqas sidiica adda qeebil kaak yeyseeh; duma Banihadad-abbah yen Cadayel kay abbak qeebit raaqise Israayil-magaalooli, Yahoqas qeebit kaak gacse.

2 Malikwa 13:5

Suuriyah marih gabak ken yeyyeeqe wadeena keenih ruube. Tonna-leemik Israayil mari dumak kaxxih amaanah gacen.

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

Yacedkel 11:10

Seefit rabettoonuuh; Israayil cuduudul sin digaaleyyo. Too saaku anu YALLA kinniyom kulli num aaxigele.

Qaamus 6:14

Takkay immay YALLAY Nabaamak Naba Dagelta kinnihiyya isih iyyamaa, ‹Israayil ummatey, baaxo qeebit siinik yabbixeeni'gidih, marin marak qaduwwi siinit ruubeyyo. Too qaduwwi, Camat deqsita daabay gitah gacaanahiyyak xabba haanamaay Qarabâ-dora deqsitta'kkeh amma 'yaanam fan, baaxo xabba siinik heenih siinit xukkutelon› iyya» 'yaanam iyye.

Yoonas 1:1

Ayrok teena YALLI, Amittay baxa Yoonas lih yaabe. Kaak iyyeemih,

Yoosuwa 19:13

Tokkeek ayrô-mawqa le kabuk Gat-Ceefar kee Ektaxin deqsitta namma magaala guffa haa. Tokkeek Rimmon deqsitta magaalak gacca 'yah Neeqa deqsitta magaala fan gufa.