2 Malikwa 14:23 - NABUWWA KEE MALIKWA

²³ Yooqás-Amaxya Yuudâ-malik edde yekke taban kee konoyhaytô liggidat, Yahoqas-baxi-Yarobqam Israayil rasuk Samaariyah magaalal Israayil-malik yekke. Usuk morootom kee inki liggida malikih suge.

2 Malikwa 14:23 ပူးပေါင်းရင်းမြစ်များ

2 Malikwa 10:30

YALLI Yaahuk annah iyye. «Atu meqem abteeh, Acabak rade marak too anu kok aba excem inkih abte. Tonna-leemik ku durruyyat fereyhaytô hurah amma 'yaanam fan Israayil rasul malikwa abeyyoomuh qahdi koh cula» kaak iyye.

2 Malikwa 13:13

Yahoqas rabe saaku, kay baxi-Yarobqam kay lakal malik yekke. Yahoqas Samaariyah-magaalah-addal malik buxah mara elle yaaguqen magaqat yoogoqen.

2 Malikwa 14:1

Yowaahad-baxi-Yahoqas Israayil-malik edde yekke nammayhaytô sanatat, Yooqas-baxi-Amaxya Yuudâ-malik yekke.

2 Malikwa 14:15

Wohuk kalah taniimiy Yahoqas abba heehiyya kee, kay agiirinnay Yuudak malikih yen Amaxya deqsita numut abe qeebit yuybulleehiyyah agantah, Israayil-Malikwah-Aydaada deqsita kitaabih addal tan.

2 Malikwa 14:16

Yahoqas rabe saaku, Samaariyah magaalal malik buxah mara elle yaaguqen magaqat kaa yoogoqen. Kay lakal kay baxi-Yarobqam malik yekke.

2 Malikwa 14:22

Quddiyya isi abba rabek lakal, Eelat deqsitta magaalay qeebit raaqiseenihiyya Yuudah gacseeh nammeyhaak tet xise.

2 Malikwa 14:24

Takkay immay usuk kaadu YALLAL dambi lem baaheeh; kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 14:27

Tonna kinnuk, inkitanuuk bayisaah, sarrak akah andarre waan innah, saabo ken cabsiisam mafaxinna. Tonna-leemiik Yahoqás-Yarobqam gabat ken cate.

2 Malikwa 15:1

Yahoqás-Yarobqam Israayil-malik edde yekke labaatanna kee malcinhaytô sanatat, Amaxyâ-baxi-Quddiyya Yuudâ-malik yekke.

1 Aydaad 5:17

A marih migooqa kitaabal elle tunkuttube wakti, Yootam Yuudâ-malikih yen daban kee Yarobqam Israayil-malikih yen dabaana.

Hosiqa 1:1

Quddiyya kee Yootam kee Acad kee Ciskiyyaahu Yuudâ-rasul malikwah sugteeh, Israayil rasul kaadu Yahoqás-Yarobqam malikih suge dabaanal, YALLI Beqeerí-Hosiqal farmo ruube. Ruube farmo ah teeti.

Qaamus 1:1

Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.