2 Malikwa 14:14 - NABUWWA KEE MALIKWA

¹⁴ YALLIH Qibaadah-Qari kee malik-qarik-duyye-elle-daanisan-aracal sugga 'te duyyek limo-gibdi-duyyeey dahab kee lakqok geyya heem tu macabinay, inkih beeh, Samaariyah-magaala fan luk gexe. Tonnah kaadu, carbit yibbixe mara seewah gabat bee.

2 Malikwa 14:14 ပူးပေါင်းရင်းမြစ်များ

1 Malikwa 14:26

Too saaku YALLIH Qibaadah-Qarik duyye elle daanisan aracal sugga 'te duyye kee, malik qaril sugte duyyek Suleemanak-raqte-goobway dahabak bicseenihiyyah agantah inkih bee.

1 Malikwa 15:18

Toh yuble waqdi, Aasa YALLIH Qibaadah-Qarih adda kee, isi buxak duyye elle daanisan aracal dahab kee lakqok sugga 'tem weerra heeh beeh, kay gubal doolatat abbootan luk yen marih gabal, Damaskoh magaalal Suuriyah malikih yen Banihadad deqsita malikih acwah ruube. Banihadad Tabrimmon deqsita numuk baxak teneeh; Cedyon deqsita numuk kaadu baxi baxak ten.

1 Malikwa 7:51

Tonnah abak, Suleeman YALLIH Qibaadah-Qarih xisnek gaba kaleh. Too waqdi Suleeman, kay abba Dawud YALLIH qibaadah loowe duyyey rikeek abbaxuk sugehiyya gaabossa heeh, sarrak Qibaadah-Qarik mattacoh yaceen duyye elle daanisan golitteh addal hee. Tohumuu, dahab kee lakqo kee, kaadu wohuk kalah, gersi duyyek ten.

2 Malikwa 12:18

Malik-Yooqas, kaak naharat sugte malikway Yacoosafat kee Yooram kee Acadya deqsitak sugtehiyya YALLIH qibaadah baaheenih sugen mattacot, isi mattaco osissa heeh, kalah kaadu Yallih Qibaadah-Qaril duyye edde daanisan aracat suggu 'ye dahab kee, malik qarit suggu 'ye dahabak tu macabinnay inkih Malik-Cadayelih mattacoh ruube. Too waqdi Malik-Cadayel isi qaskar Yarusalaamak yeyseerreh.

2 Malikwa 18:23

Anu malik Sanceerib afak sin lih yaabu waa. Isin beya mara akah geyteenik, namma alfih faras siinih baahu waamih xagana sin lih culele.

2 Malikwa 24:13

YALLI dumaak akah iyyeh suge innah, YALLIH Qibaadah-Qaril sugga 'te duyye kee malik-qarih-addal sugga 'te duyyek tu macabinnay weerra heeh bee. Duma Malik-Suleeman YALLIH Qibaadah-Qarih-addal heeh suge dahabak bicsen duyyek tu macabinnay iggillaay weerra heeh bee.

2 Malikwa 25:15

Wohuk kalah, qaskar abbah yen num, dahab kee lakqok bicissa heen duyyey sugga 'tek xikcin elle haan kabaabaay qunxa sacnitte kee disti agantah, tu macabinnaay inkih beeh.