2 Malikwa 14:12 - NABUWWA KEE MALIKWA

¹² Amaxyâ-qaskar qeebil gacteeh, qaskar takkeemik kudak isinni buxaaxih fan gacen.

2 Malikwa 14:12 ပူးပေါင်းရင်းမြစ်များ

2 Samuwel 18:17

Sarrak Absalaam raysa beeniih, garboh addal tan kaxxa boodot qiden. Tohuk lakal woo boodo xeetik kibeenih, waydal gurral bicsen. Toh tekke waqdi Israayil mari yakkeemik mariiy isi buxa fanah kude.

1 Malikwa 22:36

Ayro cultam faxxa waqdi, Israayil qaskarih abbobti amri tecee. Iyyeenimihii, «Kulli num isi baaxo kee isi magaala siinik yaduuray» 'yaanam iyyen.

1 Samuwel 4:10

Sarrak qeebi rade waqdi, Filistiin mari Israayil marat kaxxa qeebi abeeh; Israayil mari isinni buxa fan yoowwen. Too saaku Israayil marak mangom tembexe. Israayilik soddom alfih qaskariiti rabe.