2 Malikwa 13:25 - NABUWWA KEE MALIKWA

²⁵ Banihadad kee Israayil-malikih yen Yahoqas qeebi tittat abte saaku, Yahoqas qeebil Banihadadak yeyseh. Yahoqas sidiica adda qeebil kaak yeyseeh; duma Banihadad-abbah yen Cadayel kay abbak qeebit raaqise Israayil-magaalooli, Yahoqas qeebit kaak gacse.

2 Malikwa 13:25 ပူးပေါင်းရင်းမြစ်များ

1 Malikwa 20:29

Israayil-mara kee Suuriyah-mari malcina ayroh gide elle yinfiddigen aracak mari mara keenik wagitak suge. Malcinhaytoh ayro qeebi radeeh; too qeebit too ayro dibuk Israayil-mari Suuriyah-marak bool alfih num qiden.

2 Malikwa 10:32

Too dabaanal YALLI Israayil-rasi akkuk sugeemik daggoyseh yen. Suuriyah malikih yen Cadayel, Israayil-baaxok Ordon weeqaytuk ayrô-mawqat sugte baaxoy Arnon weeqaytuk Qarooqer deqsitta magaala fan takkehiyya gabat raaqise. Tohumuu, Gilqad kee Basan deqsita rasuy Gaad kee Ruuben kee Manasse mari elle sugehiyyak ten.

2 Malikwa 13:24

Suuriyah malikih yen Cadayel rabek lakal, kay baxi Banihadad malik yekke.

2 Malikwa 13:3

Tohuk gexxaamah, YALLI Israayil yinqibeeh; Suuriyah malik Cadayel kee kay baxay Banihadad deqsite keenit ruube. Too qaskar Israayil marak mango adda teyse.

2 Malikwa 13:5

Suuriyah marih gabak ken yeyyeeqe wadeena keenih ruube. Tonna-leemik Israayil mari dumak kaxxih amaanah gacen.

2 Malikwa 14:25

Israayilik beenih sugen baaxok kilbat le kabut raqta Camat deqsita daabay gitah gacaanahiyyak xabba haanamaay Rabe-Badah amma 'yaanam tan baaxo inkih gacseh. Tonnah tanim akkelem, dumaak YALLAY Israayil doore Dagelta kinnihiyya isi naqasuh yan Amittay-baxa-nabi-Yoonasah warseh sugeeh; usuk kaadu ummatah warseh suge. Nabi-Yoonas Gat-Ceefar deqsita aracih numuk ten.