2 Malikwa 13:17 - NABUWWA KEE MALIKWA

¹⁷ Sarrak malik, Eliisaq kaak elle iyye innal, qari taagatay Suuriyah rasu fan yafkunehiyya fakka hee waqdi, nabi, «Taway gaysê-baxa rub» kaak iyye. Malik too gaysê-baxa akah ruube innaak Eliisaq «So! Teymeeqeh, tahaysa atu YALLIH gaysê-baxay YALLI Suuriyah marak edde yaysu waahiyya akketto. Afeek deqsita aracal qeebi keenit abettooh, keenik aysetto» kaak iyye.

2 Malikwa 13:17 ပူးပေါင်းရင်းမြစ်များ

2 Samuwel 5:24

Tokkek coox amook ibi maaqattah anay kol radu waa waqdi, qeebih gaba qid. Macaay intek, Filistiin-marak tayse'gidih, foocat anu kok gaceyyo» iyye.

1 Malikwa 20:26

Dabaybah addat Malik-Banihadad isi marah seeceeh; Israayilit qeebi aba'gidih, Afeek-magaala fan gabat ken luk gexe.

1 Malikwa 20:29

Israayil-mara kee Suuriyah-mari malcina ayroh gide elle yinfiddigen aracak mari mara keenik wagitak suge. Malcinhaytoh ayro qeebi radeeh; too qeebit too ayro dibuk Israayil-mari Suuriyah-marak bool alfih num qiden.

2 Malikwa 13:16

«Taway qalaamissa'gidih bical gac» kaak iyye. Malik qalaamah bical gacca 'ye waqdi, Eliisaq gabal gaba kaak hayya hee.

2 Malikwa 13:18

Tohuk lakal malikik iyyemii, «Gaysê-xaylo qagisay baahay baaxo edde mud» kaak iyye. Malik woo gaysê-baxat baaxo sidiica adda mudeeh sarrak yeyseedeeh;

Yoosuwa 12:18

Afeek deqsitta magaalal yen malikiiy Lassaron deqsitta magaalal yen malikiiy

1 Samuwel 4:1

Samuwel, YALLI kaa'lih yaabe yab Israayil ummattah warisak yen. Too dabaanal *Filistiin-mari Israayilit qeebi abaana'gidih ugten. Israayil-mari Eeben-Qeder deqsita aracal yinfiddigeeniih; Filistiin-mariiy Afeek deqsita aracal yinfiddigen.