2 Malikwa 13:14 - NABUWWA KEE MALIKWA

¹⁴ Wohuk duma, nabi-Eliisaq kaxxa lakimah lakmiseeh; kaxxam biyaakitaah deerih yan waqdi, Israayil malikih yen Yahoqas kaat boysita'gidih yemeete. Kaa yuble waqdi amol kaak weeqeeh, «Yi abbaw, yi abbaw, Israayil kalaluh lem kook sugte» axcuk boogise.

2 Malikwa 13:14 ပူးပေါင်းရင်းမြစ်များ

2 Malikwa 13:12

Wohuk kalah taniimik Yahoqas abba heem kee kay agiirinnay Yuudak malikih yen Amaxya deqsita numut abe qeebit yuybulleehiyyah agantah, Israayil-Malikwah-Aydaada deqsita kitaabih addal tan.

2 Malikwa 13:13

Yahoqas rabe saaku, kay baxi-Yarobqam kay lakal malik yekke. Yahoqas Samaariyah-magaalah-addal malik buxah mara elle yaaguqen magaqat yoogoqen.

2 Malikwa 13:15

Too waqdi Eliisaq, «Gexay gayse kee gaysê-xaylo bah» kaak iyye. Yahoqas gexeh kaal baahe waqdi,

2 Malikwa 2:12

Eliisaq toh yubleeh; too waqdi Eliyyasah deeriseeh, «Yi abbaw, yi abbaw, Israayil gaari kee faariisah maraw! Gexxeh, gexxeh!» iyye. Tohuk wadir Eliisaq, Eliyyas abaluk maraaqinna. Sarrak Eliisaqah abe rookah saro namma'kkel isik qanxise.

2 Malikwa 20:1

Toh edde tekke uddurut, Malik Ciskiyyaahu kaxxa biyaakah biyaakite. Rabi kaat xayyooweh suge. Amox-baxi-nabi-Yasaqya kaal yemeeteeh kaak iyyemii, «YALLI, ‹Ahaysa rabi kot xayiih; ama lakimak murta'mmay, buxâ-mara farriimitay cab› kok iyyah yan» 'yaanam kaak iyye.

2 Malikwa 6:21

Israayil malik a Suuriyah-mara yuble waqdi, «Yi abbaw, ken qidoo? Ken qidoo?» iyye.

Yasaqya 57:1

Cakki-gital-gexa-mari rabeh immay, woh, num afqadok macubbusa. Yalla kicna mari rabeh immay, num baaqid edde mahaysitinna. Too mari rabek wadir, ken-tabbixe-umaane ane waytaamat num maradinna. Addunyal umaane takkeemik dumal, Yalli is fan ken bee.

Yacedkel 14:14

Too saaku Nuuc kee Daaniyel kee Ayyuub sugta way, ken maqaane ken cate waytek, a marah tu xiqak mananna. Tahat yabtam yoo YALLAY Mulki lehiyya» iyye.

Yacedkel 22:30

Abeh an bagcarrah baaxo baysaamak dumal, magaala edde cata'gidih maroh sugte gaso xisaah woo gasoy tiddigillehiyyah garil soola num gorrise'mmay weeh.

Zakariyya 1:5

A saaku sin kaxxa abbobti kee woo nabuwwak num mayan.