2 Malikwa 13:11 - NABUWWA KEE MALIKWA

¹¹ Usuk kaadu YALLAL dambi lem baaheeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge.

2 Malikwa 13:11 ပူးပေါင်းရင်းမြစ်များ

2 Malikwa 10:29

Takkay immay usuk isih, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak suge. Malik-Yarobqam dahabak bicsen daheelah ceeloy Beetal kee Daan deqsita aracal bicsehiyya yuqbudeeh, Israayil ummatta inkih too dambit asise. Yaahu kaadu tohim yuqbude.

2 Malikwa 13:10

Yooqas Yuudâ-malik edde yekke soddom kee malcinhaytô sanatat, Yowaahad-Yahoqas Israayil-malik yekke. Too malik Samaariyah-magaalal taban kee lica sanatah malikih suge.

2 Malikwa 13:12

Wohuk kalah taniimik Yahoqas abba heem kee kay agiirinnay Yuudak malikih yen Amaxya deqsita numut abe qeebit yuybulleehiyyah agantah, Israayil-Malikwah-Aydaada deqsita kitaabih addal tan.

2 Malikwa 13:2

Yowaahad YALLAL dambi lem baahak sugeeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge. Edde suge uma-taama way macabinna.

2 Malikwa 13:6

Tonna'mmay Israayil mari, Yarobqam ken yuybulleeh cabe dambih abittok maraaqinna. Tohuk kalah kaadu, migaaqah Aseera deqsittaamay yaqbudeenihiyyah astah heenih sugen gurmudda Samaariyal elle suge aracak makalinnon.

2 Malikwa 3:3

Tohuh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya abak sugeeh; woo dambi le taamah abitto macabinna.