2 Malikwa 13:1 - NABUWWA KEE MALIKWA

¹ Acadyâ-baxi-Yooqas, Yuudak malik edde yekke labaatanna kee sidochaytô-sanatat, Yaahu-Yowaahad Israayil-malik yekke. Sarrak Samaariyah magaalal taban kee malciina sanat malikih suge.

2 Malikwa 13:1 ပူးပေါင်းရင်းမြစ်များ

2 Malikwa 10:30

YALLI Yaahuk annah iyye. «Atu meqem abteeh, Acabak rade marak too anu kok aba excem inkih abte. Tonna-leemik ku durruyyat fereyhaytô hurah amma 'yaanam fan Israayil rasul malikwa abeyyoomuh qahdi koh cula» kaak iyye.

2 Malikwa 11:21

Yooqas malik yekkem qumrik malciinit yan saakuk ten.

2 Malikwa 11:4

Malcinhaytô sanat sek-Yoyadaq malik-buxah marat dacayrih tan qaskar kee, malik buxa dacrissa qaskarak bool-abbah ten qaskarah, «YALLIH Qibaadah-Qari fan ama» 'yaanamih farmo ruube. Oson yemeeten waqdi, usuk niyat lem kaa'lih abe loonumuh titta ken geysiiseeh, YALLIH migaaqal ken xibsiiseh. Too waqdi Malik-Acadyâ-baxa-Yooqas ken yuybulleeh.

2 Malikwa 12:1

Israayil malikih yen Malik-Yaahu edde dardaareemih malcinhaytô-sanatat, Yooqas Yuudâ-malik yekkeeh; Yarusalaam magaalal morootom karma malikih suge. Kay ina migaaqah Xibya deqsitak teneeh; elle toobokem Bersabaq-magaalak ten.

2 Malikwa 13:10

Yooqas Yuudâ-malik edde yekke soddom kee malcinhaytô sanatat, Yowaahad-Yahoqas Israayil-malik yekke. Too malik Samaariyah-magaalal taban kee lica sanatah malikih suge.

2 Malikwa 13:2

Yowaahad YALLAL dambi lem baahak sugeeh, kaak duma malikih suge Nabát-Yarobqam abe uma-taamay Israayil ummat dambit akah asak sugtehiyya kataatak suge. Edde suge uma-taama way macabinna.

2 Malikwa 15:12

YALLI duma yan saaku Malik-Yaahuh xagana culeeh iyyeemih, «Ramad kok fereyhaytoh adoh amma 'yam fan Israayil baaxol malikwa akkelon» 'yaanam iyyeh yen. Toh elle iyye innal duudussu hee.

2 Malikwa 8:26

Usuk malik edde yekkem, karmak labaatanna kee nammayat yan saaku. Yarusalaam magaalal inki sanatih gide malikih suge. Kay ina migaaqah Qatalya deqsitta barrak ten. Isiiy Malik-Acabak baxák teneeh; Malik-Qomri kaadu baxi baxák ten. Malik-Qomri Israayil malikik ten.